除夕夜

寒風下在塘福某渡假屋由天台燒烤燒到入屋露台!

每次你的大膽都令我有點意外!

都吾知有幾耐無訓過上格床喇, 兩條友一齊更加係從未試過! 我既初夜比左你喇~~

聖誕假期

晨咁早就同虫虫出發坐船船去順德大良!
一心諗住可以食到肚滿腸肥, 但原來個私人導遊都吾係好知掟! 不過我地就去見識左那個新建的長鹿農莊, 一個類似香港的海洋公園...不過係大陸簡陋版! 見到都吾敢玩果隻!
期間, 睇左《海、陸、空》動物表現, 不過我吾係好鍾意佢地不人道咁訓練同打d動物! 點解中國大陸的人o既意識都仲係咁差o幾??!! 連對外的表演都係咁...返到後台...我相信就更!! 可憐的動物都只係為兩餐啫!!!
機動遊戲, 我地都只係玩左一個類似海盜船, 同玩左一個要同人噪完先可以一人坐一隻的碰碰船! 哈, 我同虫虫最夾就係誓死不屈的硬性格! (所以咪成日炒飯羅 -_- 死未), 另外又玩左《碰碰車》, 三架車發晒癲咁係咁撞! 結果...虫虫架車真係撞到飛起散埋! 吾知係大陸野兒戲定虫虫手車勁喇! 見到個睇場姐姐仔望住架散左o既車都r晒頭! 騎下馬仔坐下火車...行下o氣下就走喇!
之後就食左餐無乜特別的晚飯同食左期待已久但甜到漏的大良燉奶, 再去話去又無得去的浸腳, 期間揸住架韓國棍波車做泊車仔(仲要比人寸)!

是晚失眠...攬住你好等你甜甜的發一個聖誕夢, 而我...就獨自一個人
~~~~~驚~~~~~
不過都總好過攬住一齊驚! 好耐都未試過有呢種感覺喇! 下次千其吾好再住呢間酒店喇-_-!

＊＊＊

十二月二六日

食過早餐同燉奶後就去行公園揸船仔餵魚魚...真係有益身心到不得了! 飲完茶茶再去浸腳再食燉奶之後就坐五半船走人喇!
呢兩日一夜的行程就麻麻精采喇!
但...有著你多麼美~

虫虫結繭

十二月二一、二二日

虫虫呢幾日都有節目賴低我, 咁我就唯有再開啟我荒廢已久的小宇宙喇!
吾知係人大了還是真的太耐無出去玩...真係渣到呢~~

虫虫今日插錯插頭炸錯頭! 說了一句...驚你見到我都無晒性趣! 吓?! 咁大鑊?!
到我見到虫虫mms比我既相, 我已經笑到腸都痛埋! 一諗起就笑一諗起就笑......爆咀~~~

＊＊＊

十二月二三日

晏晝同虫虫短叙, 見到你...對吾住...我真係忍吾住"呵呵"...比我想像中更"呵呵"...我依家先知原來一個髮型會對人有咁大影響的! 失覺失覺^^

可能你心情吾好再加上太多人太迫而令我心情又吾好, 行行下街都要炒大鑊飯 -_-

是夜...各自各精彩......

＊＊＊

十二月二四日

多謝你份聖誕禮物!

一心想給你一個驚喜, 但都係揀吾啱! 雖然你想同我慳...但這已是預算之內, 但結果都係揀錯左!
算啦...七天包換! 最緊要你用得著!

虫虫去"結繭", 我就去行街街等條虫破蛹而出! 終於都見返你笑喇! 不過我都係鍾意意大利粉多d...

溫溫馨馨咁撐枱腳食平安夜大餐! 間餐廳真係吾錯, 值得再去!

今日分三段泊左係time sq, 食晏、行街、晚飯...總共泊左九粒鐘, 全部免費, 慳左二百四十三大元...勁抵呀!

湯渣

今日煲完煲湯筆黎飲o既時候, 忽然驚覺原來我自細Bee走後都無煲過湯了! 一股思念又擁上心頭......
以前雙犬最喜歡食湯渣, 又有豬又有紅蘿蔔又有淮山食! 每次我都會裝起定d湯渣放涼剪碎給雙犬食, 佢地都總係坐定定o係餐枱下等, 等開飯、等你望到佢...你比遲d都鬧鬼你架~
但今日, 我問老闆洗洗筆起d湯渣...老闆就話吾洗喇.........

小魔怪

不經不覺, 少爺仔已經離開左我一年了! 小公主也有一個月了!
今日...只想靜靜的在家陪著他們......
咁啱~ NOW在播《小魔怪》, 令我想起從前細bee初回家那天, 被老闆形容為一隻《小魔怪》! 眼大鼻扁頭濶再加上與別不同的叫聲! 可愛到不得了!
咁橋~ 套《小魔怪》入面的男主角同少爺仔一樣叫Billy, 臨完前那真正爸爸所說的話也令我感觸良多! 尤其說養小魔怪是要承擔應有的責任, 未準備好就吾養得! 就等同家下的《停一停、諗一諗》!

難忘您的姿態動靜

我的命根寶貝~ 我好掛住您地呀!!!

同居墨友

先講解一下 墨 ← 含著 黑 的意思

＊＊＊

連續同居左成個星期, 虫虫差不多日日都會姨媽到下! 好彩點到即止! 都無乜飯蕉啫 -_-!

＊＊＊

十二月七日

同Agnes食完個黃金buffet再轉戰蟠龍堡! 勁呀~
由於壽星女住得遠, 所以係谷中"宿一宵", 三條友逼埋一張床!
又凍又熱...再加上你兩個立體聲! 我真係瞓吾著呀 >.<;

＊＊＊

十二月八日

去虫虫最鍾意的海天飲完茶茶就出返西環, 好高興認識"呀豆"!
全日都魂不符體...o氣下o氣下就天黑喇!

＊＊＊

十二月九日

終於都比虫虫捉咗去食Triple O, 鬼叫我地貪心咩, 攪到triple飽又size哂d野!

跟住走去坐船睇下燈飾影下相! 溫馨 ~

＊＊＊

十二月十、十一日

虫虫接下我; 我又接下虫虫!

魚樂無窮加入兩位新成員, 《米米米奇》同《魔術》

＊＊＊

十二月十二日

今日燥底, 同low低car運完成日吉之後就返西環滾! 可能燥得濟要降溫, 三條友隊左一支紅酒加十四罐又兩大支啤酒! 我又失憶喇...只記得同虫虫玩水戰~~~

＊＊＊

十二月十三日

晨早送虫虫返工之後, o拿o拿淋返谷中做下功課就立即吸住, 儲返大個小宇宙先! 夜晚再轉戰富豪~

居然住過富豪五種不同級數的房, 你話我地癲到呢~~~
不過今次吾洗錢又當係陪下老闆食buffet, 總之就係NO PAY OK 啦~
今次都係離吾開食、浸、訓! 我地一齊...吾肥就難囉!

今日心血來潮, 重磓出擊! 變左窮人! 只要棚棚聲...我就掂喇! 不過如果sir sir聲...啋啋啋! o累口水打咀咀~

＊＊＊

十二月十四日

行下食下o氣下偷睇下, 接埋舵主地機就去同虫虫覆診, 驗左好多野攪左好耐...虫虫真係賺晒 :p
從另一角度睇, 免費做多次...你賺左兩萬幾添呀 ^0^
仲賺埋個事後"殘廢餐"呢 :p

＊＊＊

十二月十五日

成朝剷極條虫都吾醒, 差d又炒飯!

Low低car今日入完廠精神晒!
而我地就散晒...做左一日咕喱! 陪虫虫買公司的聖誕禮物←重到嘔, 我就順便換埋個keyboard同mouse(費事成日比你吟), 而虫虫就買左條紫色手指, 行到腳軟又拎到手軟! 食完飯仲要趕頭趕命拎返虫虫公司再包裝貼號碼畫鬼腳! 我地兩個義務工作者真係吾話得啦! 吾似得有d人淨係覺得坐享其成係應份的...李路媚!!!

虫虫~ 你抽吾到好野就吾好返黎喇 :p 不過我地今日買的七份都係好野~

拍烏蠅

久久就有隻烏蠅出現! o係到泣泣樣樣攪攪震不懷好意 .\¥/.
谷主向來都少說話也不喜殺生的! 佢泣樣佢o既事...虫虫話無問題的...我都可以隻眼開隻眼閉!
但今次實在係忍無可忍喇o(~_~)o 膽敢嬲我條虫仲話我霸住吾比佢嬲?! 佢係係傻架? 我搶佢銀包d錢再報警話佢吾比我搶得得丫??

當年今日

十一月二九日

再一次同你去元朗巴比橋, 其實以前同d朋友都經常來呢到, 貪佢實有錶位泊車又有大電視, 同埋我好鍾意佢呢到d雞全翼...實在多汁又好味! 而你每次都叉得好直又燒得好香咁遞埋黎...真係甜到漏~
行去攞車o既時候, 真係凍到牙關打震~ 好在有你呢個人肉暖袋啫!
好鍾意你係我"弱"的時候變身...好窩心呢 (*^*)

＊＊＊

十一月三十日

今日虫虫下左聖旨要休市一日...不過我都趁佢豬仔咁既時候係咁易做下功課啦! 嘻...點知都比你捉到添 :p
心通下...臨時臨急搵左幾間都book吾到buffet, 就決定去嘉湖海逸試下喇! o係好有心理準備知道吾多好野食的情況下再加上兩條友開埋支紅酒都吾洗五佰個大洋...都實在係超值! 而且d裝修加上燈光, 坐係隱閉處都幾浪漫架 (仲有你最鍾意的電視添...死未!), 美中不足就係無啦啦多左兩公婆加埋個煩到嘔o既細路坐左o係隔離枱...破壞晒! 我吾制呀~~~
食飽飽之後就拍拖拖行左陣, 再轉移陣地去左蟠蠬島飲野同掟標, 仲玩到出晒汗添! 呢到都吾錯丫, 靜靜地, 可以飲下紅酒嘆下雪茄, 下次一定要再去撐枱腳先得!

仲好記得上年唱完K送你返屋企...今年今日己經吾洗路...嘻嘻!! ←你中計喇

＊＊＊

十二月一日

無意中激親條虫虫...好彩好快就tum得返啫! 食完個三合一早午茶餐就出發去IKEA行街街, 一到埗就一人多一隻熱狗先...勁呀! 係IKEA睇下攪下度下玩下...感覺好溫馨!
睇見你一手一腳包好晒d枱枱櫈櫈...簡直大開眼界! 忍吾住問你係係學過...真係熟手到呢~
做完咕喱, 去左食雞粥乳鴿炸大腸, 再揸車去大圍食無乜味芒果雙皮奶同卜卜趣冰火雪糕球, 滿足到震呀~~~
飽到要行多個圈先揸車返谷! 返到谷, 我地兵分兩路...我做清潔工人、你做裝勘員, 夾手夾腳就大功告成喇! 我三步不出閨房?! 你有無攪錯左呀?! 我係為左你先放多部電視係房乍! 用心凉苦呀我>_<;

虫虫你呢幾日都好乖乖! 史無前例地o係被迫與自願的情況下, 連續三晚都有沖涼洗頭先上床交豬...真抵錫~~~唔呀3

孤單的心痛

今晚真係好凍!!!
從前每當呢d咁凍既天氣... B仔同細Bee都會著住衫衫黐住我一齊大被同眠, 仲會訓到扯晒鼻鼾...暖粒粒咁! 仲好記得上年...又係一個咁凍既晚上, B仔訓我左邊、細Bee訓我右邊、雪雪訓我頭頂, 那一刻...我覺得自己好幸福好溫暖!
但依家...........................

劇痛

懷內安息

我的寶貝女兒~ 細Bee

永遠愛您
9 Aug 1994

懷念您
16 Nov 2007

魚間蒸發

十一月九日

屎下一粒屎下又一粒...得返三粒b乍! 點算呀?

同虫虫專程返鄉下買支暖管比佢地, 呀鄉長見我地老遠都黎攪攪震有幫趁, 仲送左條小小金加三粒魚bb比我地添! 幾開心呀~~~

＊＊＊

十一月十日

一早起身, 舵主話跟我地一齊北上尋歡喎! 四條友返左入谷安置好d魚魚先, 唉...無返黎一晚啫, 傷亡慘重! 大舊、one、free同二粒魚b都屎左 (2、珍珠已早屎左兩日了)! 近日筆魚c筆到有d麻木-__- 但無左大舊...我好吾開心呀!! (雖然佢好曳...成日追打其他魚)

虫虫好有心機咁裝暖管換過濾器, 之後我地就北上尋歡喇! (暫時忘記d傷心事先)

同兩位掌舵人去玩都幾開心丫! 臨走時, 我地係上水同佢地分手之時, 你知知我諗緊乜呀? o傑o傑o傑~~~
虫虫呀~ 小小金同一粒魚b都保吾住呀我地! 連條bb都弱不come風咁死埋!

Monkey失左蹤o幾???!!! 去左邊呀? 報警呀! 係比你變走左!!! 我吾制吾制吾制呀~ 你變返出黎比我呀! (晒地)

＊＊＊

十一月十一日

好舒服的"睡衣"~~~
訓醒hea下hea下, 浴虫名不虛傳後, 去食滑滑肉加厚厚皮, 跟住就去左pet shop同貓bb玩! 夜晚都係相約兩位掌舵人去九龍城食粗菜館、行街街、食糖水!
你吾好再比飽飯我食喇下-__-

終於比我搵到個xxxxxxx點喇! YEAH~~~ o^_^o

兩歲小古惑

雪雪生日快樂~

誰是懸兇

今晚放學返到屋企...嘩! 有好多魚bb呀! 手忙腳亂地逐一搶救, 因為有些已被大的追緊喇! 有三條救吾返...救左二十二條呀! 好勁呀......我^0^
佢哋真係好b, 我仲未研究到到底佢地是誰的bb -_-! 不過我好開心呀~ 希望佢地快d大個...睇下似邊個先 ~

迪士尼

十月二五日

有四位新成員加入魚樂無窮! 分別係~ 珍珠、米米奇、BB同呼佬。

＊＊＊

十月二六日

晨早起身食左個充滿飯香的早餐...因為虫虫的"痾果"囉!
跟住出發去搵史廸仔! 可能因為飯氣攻心, 條路又直畢甩, 行錯路入左東涌行左個大運! 到達目的地就見到漢堡神偷版既米奇同美妮, 排左半粒鐘就影到相喇! 好野~
係我排隊影相的同時, 虫虫(以為自己)好醒目咁去攞快証, 行到一半...喂喂...張飛我袋住喎! 行多轉啦春虫虫 :p
哈~ 諗諗下...我都係吾可以再激親我的虫虫大人喇! 鬼計鬼計鬼計~~~
好彩今早吾算太多人! 我地好順利咁玩左~ 二次幽靈版的space mountain, 慢到震的馳車天地, 我多你三萬幾分的巴斯光年, 多左大版史廸仔的米奇金獎音樂劇, 等到頸都長的粵語版幸會史廸仔, 臨收場的花車巡遊, 揸揸轉轉的咖啡杯, 仲同左靚靚美妮、吽吽維尼、老正米奇、防不勝防蒲頭花木蘭、古靈精怪唐老鴨、咸濕布圖、乞人憎的101黑白瘋婦、南瓜頭人影相添! 唯一美中不足的就係Tigger同史廸仔都去左瞓晏覺...... !
一口氣玩晒咁多野, 成五點鐘先坐定定係大街餐廳食我地的二合一飯飯!
夜場d人就殺到喇! 趁虫虫飲飽食醉...tum虫虫入酒店先 ^0^ 排左一粒鐘都無反悔既蹟象! 入喇入喇............下擦五百字!!!
行下街冷靜下先...企高高欣賞埋夜光鬼魅巡遊灘抖下先...再睇多次國語版幸會史廸仔輕鬆下先...欣賞埋有著你多麼美煙火溫馨下先...然後玩埋太空飛碟風乾下先!
......無事喇可你??

尾聲~ 因為樂園太睇少史廸仔既威力, 我地就盡我地的港人責任比左些少意見樂園 :p


虫虫呀~ 你放左係實驗室既625卧底...有無消息報告返黎呀?


後記~ 我犧牲左我同我的被舖! 助虫虫成為左首位廸士尼米奇金獎的《咸虫》得主！壯舉壯舉~

OoO

今日見米奇悶悶不樂呢係個隧道吾出黎, 心想他應該是掛住美妮同魚b...! 於是虫虫提議替他另覓新歡 ^0^
接虫虫放工後, 去了美妮鄉下另覓魚女! 最後揀了"美美妮"加三條藍眼睛..."One、2、free"!
回家後, 發現米奇還呢在隧道內已心知不妙! 最後證實他真的在昔日他們溫馨的隧道內殉情了...
米奇美妮五魚b...終於也一家團聚.........

世上所有生物也有情嗎?
魚...也有他們的思想感覺嗎?
我還會繼續釣魚嗎?

魚樂無窮

十月八日 , 同你行行下街睇見有缸細細的魚仔...好可愛! 個缸又幾靚! 再行下睇下...都係決定返轉頭買! 再揀左十三條魚, 分別係~
米奇、美妮、小金、黑仔、大舊、monkey、胭脂同埋六條無名 (因為分吾到邊條打邊條…一樣樣的)!
頭一日, 無名已遭不測! 跟住係小金、黑仔同另外兩條無名相繼回歸大海 (魚c放進大口仔再沖進大海)! 後來我地加入了新成員"吸塵"!
你話, 新手養魚死傷難免! 又係真o幾...我真係第一次養魚! 其實都係想同虫虫一齊"負責"先養~

上星期五, 虫虫看見米妮患有白點要分開他, 免得全運覆沒! 星期六朝, 發現美妮生左兩條bb魚! 好不幸...我地只看見有兩粒眼睛的B C -.-
其實之前我都有問過你, 米奇同美妮呢入個隧道到做乜? 你答我: 攪野羅!
點知真係攪大左美妮個肚喎! 我地又吾知美妮身懐六甲! 也吾知他的品種原來是胎生的! 當我地出街買藥水準備醫他病的同時, 他又多生三條bb魚, 但都不能存活...好可惜 -__-


我知你心一直都想同我有隻屬於我地的犬! 連名字, 你也想好了! (他的名字你的姓氏)
但你也知我有我的苦衷與誠諾...... 對不起!


~後記~
當打好這篇文章...三小時之後, 美妮離開了...我哭了...
哭~ 他的偉大（患病中生下五條bb...可惜不能為他保住小魚）
哭~ 他的生命力 ( 患病令他的尾也全爛了還繼續游游游)
哭~ 他是第一條令我痛的魚魚 (失去晒他的b, 又不能治好他的病)

美妮~ 你是至叻的美妮老鼠O0O

愛的紋身Ⅱ

從來都無對一首曲一個旋律咁著迷!!! 我中毐喇!!!

主唱: 黃聖依

今夜的月色多完美 我流淚 你沉睡
你讓我慢慢學會 有多快樂就有多傷悲

我是你皮膚上的紅玫瑰
只願在你體溫中枯萎
我不想空手而回
要看到風光明媚 忍耐是一種修為

愛一個人就像紋身
不痛就代表愛不夠深
一針針 刺進靈魂
想不起比擦不掉更加殘忍

愛一個人就像紋身
決定了就要承擔責任
不留神 最美麗的花紋
會變成一道傷痕

如果擁抱只是安慰 我不怨 我不悔
如果眼淚不珍貴 你需要什麼我都奉陪

我是你皮膚上的紅玫瑰
只願在你體溫中枯萎
我不想空手而回
要看到風光明媚 忍耐是一種修為

愛一個人就像紋身
決定了就要承擔責任
不留神 最美麗的花紋
會變成一道傷痕

愛一個人就像紋身
決定了就要承擔責任
不留神 最美麗的花紋
會變成一道傷痕

愛的紋身

忽然間愛上呢首歌...忽然間又好想去"刺青"...刺條虫?!
不過我又怕痕又怕發炎又怕比老闆鵝...但又真係好想好想好想好想...


《愛的紋身》
主唱：鄭融
作曲：金培達
填詞：陳少琪
編曲：金培達
監製：陳少琪 / 金培達


為何從來若我生氣　哭是我 不是你
才明瞭　若眷戀你　遇過的開心等於痛悲
我似你胸口中刺上的花　但願在體溫裡給枯化
為求能留住晚霞　能糊塗時便強忍 淚或汗便會停下

＊用力太狠愛像紋身 無痕就等於不夠吸引
　當刺針 刺入靈魂　洗不去還是沒記起更動人
　陷入太深愛像紋身　如承諾一生裡的刻印
　不細心　那肌膚的美感　色彩終於變灰暗

原來談情沒有收據　不後悔 不後退
原來流淚太瑣碎　任你想怎麼都可允許
我似你胸口中刺上的花　但願在體溫裡給枯化
為求能留住晚霞　能糊塗時便強忍 淚或汗便會停下

Repeat ＊

陷入太深愛像紋身　如承諾一生裡的刻印 像畫上身體裡的裂痕
不細心 那肌膚的美感　色彩終於變灰暗

國慶煙花

今次係我地第二次睇煙花, 我覺得比 七。一 的那次更震撼更靚!
今晚的天氣也比較舒服, 雖然食到正d煤炭屎!
但有你攬住我...感覺真美!

Cool la-la 之旅Ⅲ

九月中旬已接到通知, 我們的spa suite已裝修完畢! 揀了國慶前席星期日入住! 前一日我地就懷著興奮的心情去執拾細遠...泡泡浴、浴鹽、焗油、按摩油...仲有我地的史迪仔水泡玩具等等等等!

準備去盡情嚮受我地期待已久的全港唯一的房間!

＊＊＊

九月二九日

夜晚食完打冷就去左睇色戒午夜場, 劇情無想像中好, 但那些三級情節就做得吾錯了! 好激~
睇完都成兩點多, 我地返屋企沖完涼食個生果就訓了!
吾慣和我的女訓嗎？ 細Bee很黐我...要習慣下喇你, 這也是我的堅持!

＊＊＊

九月三十日

你不可只偏心雪雪呀! 一訓醒就攬住佢...我吾制呀!!

食完晏, 買左兩支1.5L紅酒...浸紅酒浴! 嘩~ 正!

入到機場已經三點了, check-in 時都仲話間房未執好, 跟住仲話個Jacuzzi的filter 給上一住客用到有些問題要搶修! 吓~有無攪錯!
雖然個大堂靚女AM好有禮貌不停道歉, 又送了welcome drink 同安排另一間套房比我地休息住去等他們搶修! 但我地都係有點火! 明明朝早打過來double confirm 兩點入住...話得得得!得個屁!!

上到8078號房, 好大好靚!
廳內有~ LCD、餐枱、茶机、衣櫃、廁所、L形sofa!
房內有~ LCD、King size bed、洗手盤吹頭的地方與浴室是分開的, 浴室內有超大三角形浴缸、沐浴間都好寬敞! 而所有沐浴用品都係用L'OCCITANE 的! 房間樓底是斜的加上琉璃鏡...好正好浪漫!
客廳與房間都對住機場跑道同個海! 超正~
我地都趁住等的時間浸了一個泡泡浴! 浴缸大到呢~ 活動自如, 伸直晒都仲得添呀! 真係正到不得了!
四點幾, 終於都話攪掂間spa suite, 轉房3074喇!

之前黎住過兩次, 已摸熟晒d窿路! 落到三樓, 3074? 搵吾到嘰? 只見一堆英文名但吾知係乜的門牌! 又無指示...真奇怪! 見到個執房呀姐咪問囉, 她帶我地去到3072就無左, 連佢都搵吾到要再問另一呀姐, 原來那英文門牌的其中一間就是"3074"!
救命!! 我地吾識波斯密碼...無可能知道那英文字母與3074有什麼啦能 -_-!!

一開門...嘩! 又係好大好靚重好有野人feel! 所有都是木條型的高級裝潢, 開放式的廳房, 雖然得一部LCD, 但有DVD可以聽自己d CD歌, 浪漫到暈左! 有半透明粒粒做的廁所、按摩床、有按摩花灑又可以打根斗的沐浴室、有好似毒氣室的蒸氣房、那Jacuzzi沒有想像中的大...可能剛才的三角型浴缸實在大! 一比較就有些失望(人就係咁衰...)!
最正就係那有沙簾加好多cushion 的床, 加一房都有爉燭, 加那獨特的房內超浪漫超正燈光, 加木條做的窗花...任何人置身其中...都會醉~


攪笑位： 房內燈光是有remote的, 但只是有一排制...無字無圖亦吾知向住邊個位發射!
救命! 我地又吾係野人又吾識波斯密碼, 咁點呢?! 唯有又問人啦, 執房呀姐知道果個係燈制remote, 但都係有時可能無意中對中個接收器就可調教, 但有時又吾得喎!
到另一個高級d著西裝的男人走入來仲攪笑, 話：乜呢個吾係窗簾開關制咩? 死未?!


好可惜!!! 我地同呢間spa suite 始終無乜緣! 由訂房到入住足足等了兩個多月, 就只溫馨了粒幾鐘就要"放棄"了!
一入房發現個雪櫃吾凍, 最後終於要搬個另一個來! 個沐浴室有好多野送...有膠布、煙頭、樹葉、泥坋! 吾通上一住客真的是一個文明野人!
不過最大問題都是那個Jacuzzi, 我c忽痕想試下d制點用同有無問題啦(佢地剛剛整完)! 一放缸水就發現有黑色一點點的東西沉在缸底! 叫人攪...經過一輪搶救, 係我地食完dinner buffet之後, 個equip mgr話搶救無效! 經商討"講數"後, 我地轉返去8078!


另一經典攪笑位： 由野人房轉去8078的時候, 有個bell 仔幫手拎行李, 一出野人房...我行左佢行右, 仲要話： 你估跟住我行會會好d呢? 我心諗...既然你咁講, 都應該係你熟d o既! 我地咪跟住佢行右邊囉, 行呀行行呀行行左好遠...一出返去見到游泳池, 我即問： 哥哥你吾係帶我行圈下麻?! 我頭先行左邊隔五、六個房門就到你家下同我行左十五、六個房門加幾里遠的位囉噃! 總之d袋比晒你拎啦, 你咁識路!
跟住條友笑晒口話係呀係呀, 其實我地d bell仔都吾係好熟spa房的範圍, 所以都好怕行spa房架!
哈~ 你好彩! 個樣生得QQ地又傻下傻下! 吾係係我飲左二杯半紅酒加二杯白酒又有d火的情況下...再加上虫虫的"附和", 你一定c硬!

話轉回頭...講講那不掂當一次比一次差的dinner buffet先! 叫我比$330, 我一定吾會黎食! 少左好多野食, 其實可能係吾啱食! 好多牛同羊都係我吾食的! 無左幾款Pappagallo雪糕, 多左一款Haagën Daz士啤梨雪糕, 又無生又無長腳蟹, 又少左甜品! 多左我最愛但每人得一客的鵞肝, 慶幸的是虫虫比我加錢任飲紅白酒, 如果吾係對於我呢個為食人就慘慘路! 嘻…虫虫~ 錫晒你! Yeah~

飯後虫虫同家貝上房睇電視, 我就訓左一陣, 之後虫虫揸車出深井食發記, 條青嶼幹線係係好好飛? 過癮嗎?
跟住我揸入沙田送客再轉戰青嶼幹線返酒店!

浸多個泡泡浴就交豬!

訓醒就要tum個大懶虫去食早餐, 軟硬出齊先攪得掂你條大懶虫它~~
個早餐又係渣過上兩次, 吾啱食! 居然連最基本的腸仔都只有牛仔肉腸! 有白粥無豬肉鬆!
吾通呢兩日係回教日?
不過虫虫話原來同佢地講雞腸會可以有炸薯條同熱朱古力奶架! 種族歧視?! 我地係有骨氣的香港人, 吾食就罷!
食完早餐, 與虫虫玩新玩意~~~激激激!
再浸個紅酒浴...醉暈晒! hea下hea下, 話咁快就去食晏了, 今次揀左食日本餐廳的buffet! 但一落到去...由於酒店與餐廳的協調問題令我的火又來了, 大堂靚女AM來調停, 雖然最後d野都多到食吾晒, 上到房後又收到酒店的致歉信加靚靚生果盤加一支法國紅酒! 條氣先順返少少!


今次我地終於都學到你想整的奶皇包了, 你個咸蛋超人肥金魚好可愛! 你的藝術天份真係幾得!

整完包包又浸多次生果浴! 浴虫之名果然名不虛傳!

新成員~ 《呀標》登場!

生果的新鮮感覺好實在...!

晚上六時check-out, 由當席的懵豬大堂AM護送去攞奶皇包再護送去攞車走人!


連番的不愉快實在令這個旅程無晒癮! 經過同虫虫商議後都可能無下次的spa suite之旅了!
嘻...不過世事無絕對嘰! 雖然對這酒店的設施食物已悶, 而我地個朶都响遍全酒店了! 另見過那Jacuzzi後, 我已經無乜興趣了! 但我對那張我地只訓過一陣的床同那聽住音樂的情境都很回味呢~~~~~

中秋節

抱歉第一個中秋無同你二人世界, 因我一向喜歡過時過節熱鬧些! 但也一樣溫馨丫...樹底下野餐曬月光! 如果個地點無工程又或者那些"軟奶奶"爉燭硬一些就更好了 (你記住下年千其吾好買五蚊三盒呀...吾掂當)!


你喜歡那"小星星"的驚喜就好了! 我幾驚又比你識穿呀~


落山的時候, 吾係有心激嬲你...但每次睇見你揸車入彎都真係有點火, 怪就怪我天生燥底, 真心的對不起... (下一句要低調...吾打^_~)! 和他們吃完個西環消夜後, 我倆就二人世界海邊傾計曬月光! 原本打算去睇埋日出, 但由於無做資料搜集, 睡魔又急call, 唯有下次再去過啦!

＊＊＊

大家都明知大家係著緊對方的! 有時都會因為自己的情緒、壓力...因而令對方吾開心, 甚至覺得被忽略! 我地要學習...學習怎樣去體諒對方, 用愛用心去破除種種障礙!
願每年的中秋節也與您
更進一步 溫馨共渡

溫馨雙週

呢兩個多星期同虫虫雖然平淡...但係我真係覺得好幸福! 我地的寒風小宇宙正在不斷的提升中~
雖然我地兩個都一齊迷左 (你野我 >_< 仲要野左比我...自己都吾好...渣斗斗)! 而且間中都有你下我我又頂下你咀! 但都係無炒飯喎! Hmm~ 我估呢種已經係我倆的相處方式...情趣之一! 就算我對外發脾氣發忟憎, 你都已經學識按住我的火, 並且每事都會以我為先(呢樣係我感覺返來的)! 你仲乖左好多添! 少左扭我計...又或者係易d比我tum得返!

＊＊＊

虫虫秘密閉關練成秘技! 令我喜出望外驚叫若狂! 好勁~

＊＊＊

某程度上, 我好欣賞你的藝術細胞! D西C真係整得好靚! 你畫d公仔都好靚!

＊＊＊

原來虫虫仲"痾果"過我! 要去粉錦公路某個露天茶座食豬扒包, 揾呀揾揾呀揾...卒之都比我地揾到喇! 去到茶座, 我見露天無冷氣咪吾坐羅! 行入d有冷氣的半露天...點知虫虫又吾坐?! 唉~ 原來比佢見到入面吾露天有冷氣但同普通茶餐廳無分別的地方...有個電視機喎!!!救命呀!!!
我決定下次吾同你山長水遠去效外茶座, 只同你去有電視機的茶餐室就可以了! 又或者係屋企都得 .\ /.

夠位喀?! 隊埋去?!

九月十四晚同虫虫入左石澳撐枱腳食泰國菜! 之後虫虫好叻叻咁揸住low低car由石澳返出北角買糖水, 雖然係入彎渣左d同埋睇位慢左d...所以要dou左路之外, 大致上都吾錯, 仲算平平安安!
買完糖水之後, 因為谷主要小解放, 所以就極速揸返西環! 上樓解放完食飽糖水睇飽電視後, 谷主費事第朝要食傻更更早餐, 就同虫虫落街泊返架車上停車場啦! 虫虫一落到街就興高采烈地拿出粉紅車匙露出可愛又嗲到暈的眼神, 咁谷主就更係吾會掃他慶啦! 自動自覺地行去乘客位上車! 可能我真係比虫虫嗲暈左, 一入車場...弊! 我吾記得虫虫睇位c兼夾吾識泊位呀! 但心想...都要比佢試下架啦! 話吾定青出於藍呢~~~
點知上到一半一轉彎, 我睇到吾夠位過...咪叫佢停...退後些再上啦, 點知再上都係吾夠位! 但虫虫又死話 《夠位喀》!
一比油就…喔~ 勁呀! 車頭四份一位置撞低那中間的條型分隔棍! 其實都真係好易high, 但都不至於四份一架車隊埋去囉 -_-! 不幸中之大大幸係分隔棍是膠製的, 而且左右回轉可擺動的, low低car才不致毀容乍!
當時我驚、暈(虫虫嗲暈我)未定, 架車又吾上吾落點算呢?! 唯有開門落車轉位我揸啦! 咁通常虫虫都係由司機位爬過乘客位的, 就係我由乘客位下車關門之際...好似有些關吾實門的感覺嘰點解?! 到我上返司機位...望一望虫虫按住自己個額頭扁晒咀咁~ 死火!! 到我撞到虫虫個頭呀!! 嚇得我手忙腳亂一邊揸車一邊呵返虫虫tum返我個大人!! 泊架車卒之泊左半粒鐘... ...
嘻~ 你撞我又撞! 真係比停車場新整的那條棍玩死!

Cool la-la 之旅Ⅱ

七月我地去完第一次 cool la-la 之旅, 已經訂左係八月二五號同你兩老再去多次, 原本我地係加左錢要間 spa suite 的, 但因為酒店的裝修工程一拖再拖, 連改左期去九月一日都比吾到間 spa suite 我地! 雖然佢地話如果我地肯的話, 可以免費 upgrade 我地去總統套房...超級大有廳有房有 bar 枱等等等, 不過我就死都吾肯喇, 比間咁大房我地都無用啦! 我地兩條友要黎打關斗咩! 我地係要間房有 Jacuzzi 同 steam 呀! 全香港得一間咁嘅房乍! 〈 虫虫最鍾意浸浴, 又名 → 浴虫〝﹏ 〉
因為一改再改, 舵主已經無晒癮, 咁點好呢? 我又想陪佢地去但又吾想退而投求次無左間 spa suite喎! 而promotion過左八月亦吾會再有, 我地真係好想試下架!
最後終於都決定要富豪加插多一個 package 比我地再去多一次, 千二蚊兩條友食三餐再屈埋酒店免費停車場同埋 late check-out 到四點, 都化算丫! 況且後來上網睇見間spa suite係十月要成萬二蚊住一晚, 就更覺得我的堅持係啱嘅!

Jacuzzi 我地等緊你呀~~~十月見!

＊＊＊

九月一日

一早食左個傻更更早餐! 中午食虫虫整的愛心吞那魚碎蛋包包, 跟住就出動去機場富豪喇!
Check in 完就去左東涌睇快樂尋回犬, 都吾快樂嘰! 攪到我變左個豬頭 >_<;
Dinner buffet 無左你上次最鍾意的生...d野都好似無上次咁好食喎! 雖然都有十個窿的雪糕櫃, 但得七款口味乍! 連上次的兩款朱古力味都無左呀! 我吾制呀>_<;
好在有個"美男"去電暈左個呀姑...攞左好多好美味的長腳蟹返黎, 再加上我有條好虫虫拆出的啖啖肉! 真係甜上加甜~暈晒~
食飽飽之後, 四條友去左 Sky plaza 打機, 可能今朝早起身, 不在狀態, 揸車係咁撞、騎馬又無力, 死晒火!
嘻~ 但一返到酒店又精神返晒喇! 一齊嘆紅酒飲ICE食粟一燒睇一粒鐘! 飲飽食醉之後就梗係泡泡浴同覺交豬啦!
虫虫話 King Bed 吾係好啱我地喎! 又係嘰...臘腸卷咁^0^
比虫虫投訴我失職添! 弊傢火喇~

九月二日

瞓醒又食、食飽又瞓、瞓醒再食、食飽就泡泡浴! 四點 check-out, 再去航天廊睇飛機, 跟住買海鮮去三聖海天食晚飯, 再去埋松記就打道回府喇!

三十四小時的 cool la la 之旅Ⅱ完滿結束~

我地多左一位新成員"呀股"~

愛你一百個 (第五十貼)

摟計粉紅春虫虫
(原曲: 愛心一百次~ 飛天少女豬事丁)

粉紅粉紅我愛的你
你啜一聲谷主興奮癲
粉色蠢豬常在邊
陪伴住我心中會暖

不忘不忘你那淺笑
我個心早早已被迷住
蜜餞的心噗噗跳
度吓計仔冧計獻

縱使谷中身處好很遠
長住深處

就是讓人可享清幽裡
温馨

自你心 無限的情感
傾心傾意極醉心
使我勁動容異常興奮

願每天 愛火不停止
增添多點新意和情意
妙計施展不介意

願有好寶貝成完美
妙計伸展三世獻

中華白海豚

由細到大都好鍾意海豚, 覺得佢地滑脫脫、個樣純純的又精靈可愛! 但我只係見過d飼養o既海豚, 今日終於都有機會見到中華白海豚喇! 我地坐船去到大、小丫洲附近就見到喇! 仲見到佢地撲水、垂直伸出海面、反身撻水...嘩嘩嘩~ 幾多花式呀! 真係開心到呢...
原來d白海豚吾係白色架! 佢地bb果陣係灰色, 當佢地一路長大, d灰色就會慢慢褪, 到成年的時候就會變左一條粉紅色o既海豚 (但點解虫虫你就剛剛相反嘰? :p)
而多數的男海豚都會褪淨一些灰色在頸上! 同埋呢...白海豚係由女性主導架! 男海豚到三歲左右就要自力更生架喇, 但海豚媽媽就會一路守在海豚女旁~ 直至終老! (溫暖到不得了)

睇完白海豚, 就去左我從未去過的大澳食晏同hea下! 呢~ 上次大嶼山之旅無同你去到大澳食麥芽餅, 今次終於都食到喇! 不過我地買果間就真係麻麻地乍喎! 不過d茶果就好好味喇~

回程嘅時候, 一行四人去咗大榮華食飯! 都未夠六點就要輪成三十張枱, 遊完車河終於都有得食喇! 佢哋都好似幾滿意d菜喎!

睇見你今日咁攰攰...雖然我都好攰又曬左, 但吾想你聽日甩晒d手手腳腳返工, 所以都要同你揼揼温馨下~
點解你吾贊我乖嘰??

歡喜冤家

八月十五日

點解要玩隱閉jack? 好小事啫果晚, 無人會放係心個喎! 無人會記得你ba ba ba o既...除左我 :p
嗚嗚嗚~ 其實我先係首席受害者呀! 身同心都受左傷呀 >_<; 明知你個心又掛住佢地, 但又要口硬...到我"做d野"...你又話我"出賣"你! 你都真係幾難服待過喎春虫虫! 成日摟我計! 又搶晒我d被! 到我凍親感冒, 又話人老人渣 .\/.

＊＊＊

八月十七日

一百度散光都吾淺架! 我就贊成你再做多次囉! (雖然你個醫生窄窄地)
不過我是會支持你的最後決定~

＊＊＊

我話你知呀! 你再吾聽話再曳曳呢, 你以後都米洗旨意我出席呢d飯局呀!

＊＊＊

一落停車場就見到佢地! 嘻~ 我望撞到...好幾日架喇!
嗱嗱嗱...我地無夾埋架!

＊＊＊

臨訓前~ 我倆的現場實境真情對話! 都幾得意丫~

＊＊＊

八月十八日

第一次同你行美食博覽, 未行到入去就已經有飯香喇! 你有你行前我有我殿後, 越炒就越香!
嘻~ 我地真係好似大鼠裏面那對情侶, 揸住支槍互射完之後又攬住錫! 你真係好"討厭"~

無良心呀你! 果三十罐ucc咖啡係買比邊個飲嫁? 好鬼重呀! 抖一陣又話人渣斗斗老人渣>_<; 哼~

＊＊＊

晚上你有你精彩! 我有我忙碌! 你呀~ 我臨走都要發我脾四摟我計-_-
我夠想陪你啦! 我夠想早d走接你返屋企早d訓啦! 得先得格!
虫虫~ 幾時先學識體諒我呀?

特別通告

由於司機經常性受到騷擾, 事態嚴重, 現修改low 低 car 收費表, 即時生效!

行車中開門: $3,000
騷擾司機： $300 每次/每下 (視乎程度而定, 以司機決定作準)
放屁(每個): $50

任何乘客, 未經司機許可, 一律不得觸碰軚盤、波棍、手掣桿等等
違例者將被列入黑名單, 最高刑罰為一世不准乘搭low低car

終極之戰

己經去到一個忍無可忍的地步...
我要啟動小宇宙喇!

風‧瘋

八月十日

一個無料到的八號風球! 它只影響到我老闆用了三個鐘頭由中環返入屯門! 一窩風的人潮去搭車...比原來可以正常返到屋企的時間慢了三倍以上!
回想起上年的強風把我家樓下的樹吹倒了...倒落在low低car旁, (touch wood)還慶幸low低car大難不死! 眼見所有花草樹木垃圾都好似打杖一樣! 但當時天文台都無掛八號風球! 而今次的八號風球, 我還可以吾擔樜行落街連頭髮都無吹亂過! 唉~ 標準、定意...統統都是人手操縱的!

＊＊＊

八月十一日

又入又吾入又吾入又入又入又吾入! 你想點呀夠竟?! 好~ 下次到我 yeah!

＊＊＊

出席卓琳豬的生日會! 小朋友真開心...無憂無慮滿場飛! 希望"驢低馬"會成為他兒時的一點回憶吧!

＊＊＊

難得可以一齊玩一齊唱一齊飲一齊傾計...點解你會忽然間失控?
無飲酒都這樣...飲了酒更不堪設想嗎?
如果換轉了不是"他們"...我又可以怎辦?

我喜歡從前的你...為什麼變了?
不是說過不會愛對方比對方愛自己多嗎?
為什麼那樣黐纏而忘了自己?

＊＊＊

那原來的"十幾個"都給種種的失信、失驚無神、失控所抵銷了...
傷人最深的是無情力! 怕人受傷卻令對方受傷!

離預期的温卿還差十萬九千幾里遠! 有的只有十九幾處傷痕...

＊＊＊

床褥太硬(咁先健康)、張毡太拮(係我無入被袋姐)、寢頭不夠軟(軟奶奶會訓黎頸架)!
我都吾知吸得幾舒服~~~
個浴缸夠硬確確啦! 你又成日坐入去"靜坐"?!

＊＊＊

八月十二日

有些失望...不能看今年最後的一個dog show! 不過無辦法啦! 經過昨晚的力搏, 傷痕虆虆、四肢斷晒!
起身食完野揸揸下車已知到了極限...o拿o拿淋同你返去吸住吸住!

＊＊＊

春虫虫偷食呀! 食食下串燒偷食左我張新鮮滾熱辣牛肉乾! 仲有膠袋入住架!

＊＊＊

點解要閉關? 我吾贊成喎! 三五七日還可以, 大的吾掛都會掛住個細啦下麻?!

＊＊＊

肯比你自己上樓, 原因係我實在太攰加上有少少飯香令我更加"力不從心"! 希望你吾好亂想!

生日快樂

B仔、細Bee

生日快樂!
身體健康!

希望您倆鍾意媽媽同姐姐親手為您們做的生日曲奇餅~

心肝寶貝~ 我愛您!

五★級大話豬

★ 炸傻扮虫
★ 豬多籍口
★ 豬移C 線
★ 豬多便便
★ 豬手多多

起勢‧氣勢

八月三日

繼西環媽媽聲停車場後又發現奶奶聲停車場!
位於佐敦粗菜館側德興街陳(塵)年超窄起角騎呢停車場! 需要出盡奶力手力腳力眼力腦力去搏鬥每到之處!
此停車場會令閣下身心俱疲, 如非必要, 不入為妙!

＊＊＊

零晨時分, 炒硬飯(制水)!
春虫虫望天打卦之際,
突然同我講： 點解有人係窗口攪野可以吾關窗簾o幾?
谷主： 係?! 邊到邊到?
春虫虫： 呢果到開住燈果到呀...
谷主： 嘩! 真人show! 不過我淨係見到有兩個人郁下郁下...
春虫虫： 吾係呀! 係條女o係上面起勢郁...下面果個無郁呀! 依家換左姿勢喇...
谷主： 虫虫~ 你平時又話夜晚睇野吾清楚o幾?! 點解你依家睇得重清楚過我o幾?
春虫虫： o奧! 攪完喇...吾郁喇!
谷主 -_-!!

＊＊＊

八月五日

同春虫虫去海天嘆茶茶, 跟住拎埋個咸濕蛋糕加元朗出品老婆餅皮蛋酥後, 轉戰西環四方城! 又打又食又玩又飲再有下場...! 吾知有無激死舵主呢?!

＊＊＊

聞名已久的黑面姨媽媽現真身~ 失敬失敬! 抱歉抱歉! 我下次吾敢喇 ⊙_⊙

＊＊＊

你首次用自己車匙揸low低car...感覺如何?

產房

今日係春虫虫考車牌的大日子! 睇住你泊位調頭斜路開車, 我個心差d跳咗出黎...緊張到呢~
我知道你第一part合格喇! 到第二part...你出街...我就只有係到等... ...
就好似係產房門口等自己個仔出世咁! 我呢世人...第二次有呢種感覺! 第一次係o係養和等你做lasiz...好有渡秒如年o既感覺! 一路望住個入口...一路等...見到舊橙喇! 返黎喇返黎喇! 一見到你落車, 你驚時我又好緊張! 我o係個試場門口到羅羅騰羅羅騰...等你出黎等結果出! 一見到你, 見到你眼都紅晒! 不論結果係點, 我淨係想攬住你!
你又喊喇大喊十! 不過你好叻, 無令自己失望! 我都吾洗擔心點去tum返你... ...
為你而設o既粉紅色車匙亦有著落o路!
嘻~ 一行十一人去皇室堡食晚飯慶祝! 好開心呀我~~~
其實o係未有結果之前我已經訂左一圍...吾係慶祝你考牌成功, 就係舵主慶祝羅...(得你同我先知點解~)

要積極減肥呀我...事關要兌現港泰三點的承諾!

深痛 vs 心疼

《心》迷惑

七月二七日

舵主親自下廚泡製蝦蝦蟹蟹...重有意想不到的"炸"雞亦同我相信係你為我而設的涼瓜煎蛋! 再加上我古古惑惑o累返黎的兩杯"碼頭老鼠"! 美酒佳餚YEAH~

飯後趕趕趕飛的落銅鑼灣出部《路日日黎》...點知周到都差咁D, 有白色就無mapking...有mapking就無白色! Shit~
懷住失望的心情返歸, 好在重有人掃下背背tum交豬...

＊＊＊

七月二八日

晨早起身陪你湊粒"口龍啶"...真係喊到呢! 係舵主先攪得佢掂~
同你一家十幾口飲茶，我又發覺我真係好慢慢慢慢慢慢慢慢慢熱!

＊＊＊

死心不息~ 終於比我問到柴灣123有貨!
Yeah~ 不過個天都係要考驗下我的耐性! 吾比我今晚出海玩導航呀 >_<

＊＊＊

成個海墨魚毛都無條! 反而有人"無餌"都釣到條《失暈魚》同埋《盲毛蟹》!
唉...其實呢兩三年去釣墨魚都無乜收穫! 我相信係生吾切呀！ 絕種喇絕種喇~

＊＊＊

七月二九日

終於攪掂部《路日日黎》, 個導航又幾好玩wor! 你估呢個新屎坑會香幾多日呢?

＊＊＊

計埋今晚, 我呢個星期飲足六日! 係開心盡慶? 定係借酒消愁?
酒精~ 你又迷惑我喇... ...

低潮‧高潮

七月二五日

拒發多日性落地簽證後, 居然批o左出境許可証! 本應興奮度應該係一百零一~ 可惜Timing出錯!!
心腦又分裂-.-

＊＊＊

我相信你今日的學神傳會係最高潮又係最難忘的! Low低car載住四個你的至愛, 跟你車尾走左轉
大坑 > 赤柱聖士堤反灘(留影) > 大灞 > 柴灣 > 寶馬山
難度分90 ‧ 勇敢度100
高級攪鬼導師~ 佩服佩服! 欽敬欽敬!

＊＊＊

B媽問左句~ 叫我第時千其吾好比你飲左酒揸車! 我想話...我一定絕對堅決地吾會比你有任何危險的!
其實我重想講~ 叫佢第時千其吾好陪你去飲酒、吾好比你飲酒至真!

＊＊＊

去完急症室, 停左架車o係果到等...突然彈起! 感覺到d野...都係走把喇!

＊＊＊

心腦吾協調的比率多左...

半週年

半週年快樂~

本來又想來個三十三, 但怕又鬧我side錢...所以決定食左佢~
鯉景灣屎weet燭光晚餐三小時~
多謝你個渣古頭~

＊＊＊

舵主出奇地在2300打比你叫你買糖水?! R晒頭?!

＊＊＊

心腦分裂...出現排斥現象!!!

心‧深切治療

七月二一日

谷主受傷了... ...

失約於學神傳

七月十九日

要陪兩個元老食飯, 順得哥情失嫂意, 無奈-.-

眼濕濕打鼻鼾

今日訓醒覺, 聽到傳來兩把強勁的鼻鼾聲!
雙聲道! 遲d重會變三聲道! 救命呀~~~

＊＊＊

睇到"成個老襯 從此被困"
被嚇親!

Cool la-la 之旅

七月十三日

嘻~ 比你個師傅睇到我吸住左添...
師傅話你可以如常應考wor! 佢對你咁有信心, 咁你就要比d心機喇!

＊＊＊

你條友終於都講到出口吾肯陪我晨早起身去泊車喇...哼~死懶鬼! 到你考倒牌就知味道...我實吸到實一實等你黎~

＊＊＊

七月十四日

嘔咗成晚, 睇見"完畢"! 口已吐出"好野"~
但一睇之下, 都係嘔吾返d野出黎! 個心直頭係跌左落深淵...無望喇無望喇...
因為我吾想又因為呢樣野...再令你要索我d脾四, 九秒九出門口...諗住落街冷靜下先! 點知你個懶鬼又衝出來要陪我落街... ...
"有了你 頓覺輕鬆寫意 太快樂就跌一交都有趣"

＊＊＊

中午, 開始我地的富豪之旅~

可能係晨早已經無乜心機、心情不佳! 揸車途中就已經有幾個人當災! 當中又包括你, 心知是我臭脾四, 但你都毫無怨言甘一一受晒! 對吾住呀春虫虫!
入到去, 個lunch buffet真係幾得, 每人加$28蚊重有任飲添, 食物質數又吾錯又多選擇...又有成六款味道的pappagallo雪糕揀! 抵~

遇上"聰明苯伯"一家 + 豐富午餐之後, 我已經完全吾記得晒今朝既事lu~

你真係比我叻, 事實證明你是一心能二用的!
半個心 + 全身就教緊我游水
半個心 + 雙眼就不停o係個泳池到四圍
你係係想死?!!!

游完水, 洗完白白, o氣左一陣就去食我地既"意外" dinner buffet! 嘩嘩嘩~ 又係甘正! 有十款雪糕添呀今次! 你今日史無前例o甘食左一打生, 而我今日都史無前例o甘食左六款雪糕球! 抵抵~

食飽飽之後就去了巨幕影院睇哈利波特, 雖然不是3D版, 但都有五種特效~ 雪、風、香水、煙霧同雨! 散場時重鬼甘多泡泡波飄落o黎~ 睇到我地鬼死o甘開心! 跟住又去左i-sport打機, 只係玩左三款game, 我地就已經筋疲力竭喇!
1) 可以兩個人左右坐埋o係同一部車到又可以切換一齊揸的賽車機
2) 超正曉郁的頭文字D賽車機
3) 要騎住隻馬不停鞭打的賽馬機 (奉勸患有心臟病者, 千其吾好玩, 真係會馬上風架!)

打完一輪機...又無意中做左"自由神", 之後就返去浸超多泡泡的泡泡浴...浸完總算可以將d手手腳腳黐返埋一齊!

第三餐又係buffet...食完個早餐都重可以o氣到點幾先走! 抵抵抵~

繼小白之後又多個七仔~ 你估我地幾時先有隊軍隊呢?

整個cool la-la 旅程: 正正正正E~ 有四粒半星!
熱切期待八月...五粒星~

春虫虫~ 你成個七月都要鎖住我...吾好再比飽飯我食喇!

＊＊＊

七月十五日

陪太子讀完書, 就去買送送煮湯飯睇叻咕叻咕撑枱腳! 之後你傻下傻下要打牌, 連自己小相公都吾知=0=
名符其實的...春虫虫豬~
收場後, 用ipamper同你黐返全身歸位...溫馨到不得了~

春虫虫的高級導師

恭喜你揾到一個比你自由發揮又講野古靈精怪既"高級導師"!
我出黎接你的時候...還在擔心你的話: 今晚我吾想學呀...有陰影...!
我相信家下好多了...是嗎?
為免你再比人蝦...我就更係要貼身保護啦~
今日正正式式坐你手車...見到你笑得甘開心又渣得甘輕鬆, 我終於都鬆一口氣了!
哈! 呢個呀叔真大膽! 居然比春虫虫渣車上賽西湖...重同我講: "走返轉"...追吾到的話就電聯啦 =0=
你話死吾死?! 春虫虫呀~ 你比佢教完之後...會會重狼死過我架??

安全感

為他而呷醋 我可以理解
為她要呷醋 我大惑不解

安全感...在那裏能找給你?

首次

七月六日

《一期一會》

首次兜九個圈等你(手又軟又無位, 發你憎...對吾住)
首次被你魔高一丈
首次咁勁無遲入場
首次見你的同學仔(呢幾個)
首次同你睇音樂劇
首次係零晨食《早餐》

巧合地我們也是坐在七號同六號位
我同場獲贈一隻「手錶」+ 兩個「無辜」

＊＊＊

慘被你干擾...首次咁忍得! 勁~~~

＊＊＊

七月七日

《虎膽龍威》

首次同倆老睇早場
首次去珍寶飲茶茶
首次訓晏覺係你手臂到煎蛋
首次接送你家元老

＊＊＊

七月八日

《Mega Box》

首次因為我的堅持而覺得內咎(在清真內...你對外的電話令我覺得你好就我...)
首次見停車場條龍打蛇餅(有油券派呀?!)
首次行一個比朗豪坊更騎呢的商場
首次係香港比一條死八婆監生撞開
首次的三合二屎weet腳鍊...多謝虫虫

惡性循環

病情: 半緊急
病菌屬性: 惡性
病因: 因與果循環交替
病徵: 笑中有淚
醫治方法: ~尋找中~

尋‧沉

失散後重遇...有總莫名的興奮感覺!!! 點解嘰?

願谷中上上下下都擁有不屈不沉堅強堅定的鬥志~

冰火慶回歸

七月一日

凍冰冰K房唱K + 熱辣辣碼頭睇煙花 = 冰火慶回歸

＊＊＊

B姐真係勁! 果然係受過長期的專業訓練...碰碰聲爆石咁响都訓得著! 失敬失敬~

我都係鍾意多d人一齊食飯, 可以食好多我地平時眼看口勿動既野...正!
但連日來的放縱, 你係時候要綁住我...吾好再比我食喇!

＊＊＊

成晚都吸吾得實! 因為我覺得...所以...又覺得...之所以...

＊＊＊

七月二日

以後都吾會幫趁灣仔告士打道果間Delifrance...講起都火火地! @xy&¥z
夠膽死收人四五十蚊個餐...比個無料飽夾空氣人食?! 我吾撐大d對眼都睇吾到有沙律碎蛋添呀! 個湯重要溝水稀了了! 乜你個芒果雞沙律卷有芒果雞咩? 我仲以為你食緊條蛋卷添呀!
連個蛋散經理的態度都衰到爆...離Q晒譜! @xy&¥z

＊＊＊

其實尋晚吸吾實...好攰! 好想返屋企揾周老伯! 但最後都係選擇咗同你在會展攪攪震無幫趁!
我係係好抵錫先?

傻人與蠢豬

六月二九日

我覺你錯我無錯、你覺我錯你又錯、我覺我錯你無錯、你覺我無錯你錯、我覺我無錯你無錯...算吧啦!
無論點都好, 我呢世都走吾出你手指隙...你呢世都逃吾過我十指山!

＊＊＊

睇史力加III好開心, 驢友好攪笑, 驢龍BB好可愛, 終於都見到薑餅仔痾左粒乜野出來喇!
點解咁快做完嘅? 因為我地又遲到丫麻 :p

因為你吾鍾意經果到, 我地走左入香港仔食糖水! 跟住返屋企再睇埋《刺青》後就覺交豬喇我地!

＊＊＊

某年某月某日虫虫問谷主~
虫虫： 有三棟果架係乜野車呀?
谷主： (R爆頭)...有三棟? 你下次見到指比我睇丫~
虫虫： 呢...有個圈, 裏面有三棟既呢?!
谷主： 吓! 吾係下麻你... ...? Benz你都吾識? 三歲細佬都識喎!!!

某年某月某日谷主問虫虫~
谷主： 你識識得晒對面果幾架車係乜品牌呀?
虫虫： 唔...第一架係ToyoLA
谷主： 哈! 呢架叫Toyota喎...不過佢旗下就有架CorolLA!
虫虫： 依~ 你笑人嘰...乞人憎!
谷主： 吾笑吾笑...咁隔離果架呢?
虫虫(有備而戰咁答)： 日清囉~
谷主(笑到出吾到聲...仲差d標埋眼水添) ^0^
虫虫： 點jack依家? 你笑完未呀?
谷主： 日清杯麵我就聽過...果架叫日產呀大人~

虫虫~ 你真傻得交關...但勝在純純可愛! ^_^

＊＊＊

六月三十日

打羽毛球日...定叫執羽毛球日呢? 我執到好攰呀!
鏈鏈鏈鏈鏈鏈...依?! 乜咁快夠鐘嘰? 係呀...我地又遲到丫麻因為~~~

＊＊＊

你又坐係到粒幾鐘陪我...我鍾意我乜都吾洗講...你可以幫我攪掂晒!
~有了你頓覺輕鬆寫意~

＊＊＊

嘻...趕吾切攞permit添 :p 少少姐...重有你監場! 好野~

記記得我地走果陣, 我係車到同你講什麼?

早來的行動

* 入紙申請 * 有待審批 *

新鮮出爐

六月二二日

合格喇!!!
我得左喇!!!
YeAh yEaH YEAH!!!


好鍾意食你煮的白汁吞那魚菇菇通粉...又有我最鍾意食的鵞肝加你特製的蜜餞黑醋汁汁(依~個名甘似我地嘰 :p), 加上特赦下可以飲兩支vodka mix, 又有要摟下計先有得食的美味米! 今餐實在太滿足喇!!! 如果可以食埋個甜品就perfect喇...可惜你... ...

＊＊＊

六月二三日

尋晚史無前例甘早訓...足足訓左十三粒鐘! 勁呀~ 係係支ipamper太舒服呢? 定係我地根本就係兩條大懶虫?


春虫虫學虫出更...同谷主預期一樣... ... ...吾讚! 讚左會小器架~


你好乖! 坐定定陪足我兩粒幾鐘... ...真抵錫~3~


有你搣龍眼比我食...我覺得自己好幸福呀!!!

＊＊＊

六月二四日

兩個呀茂整餅~ 溫馨滿瀉~~~

大頭蝦 vs 大嶼山

邊到有人可以論盡得過你? 幅畫吾記得拎、銀包放係公司吾記得帶、連我呢頭叫你帶的...你都漏了!
好野好野! 佩服佩服!

端午節~ 大家都吾想一身沙...吾想落沙灘游龍舟水...諗住泳池水都好過無丫, 可惜...!
不過好彩我地同寶貝都另有節目...大家都出左一身汗! 最記得你話你鍾意我...一身汗(我依家先知你鍾意人同你臭味相投)^0^
對吾住呀! 令你只可以同小白浸下水~

在無心插柳之下...我將我的等一次比左你... ...我地終於都上左大佛喇!
同你拖住行果兩百幾級樓梯...雖然腳仔軟但好屎weet~
但就難為了你, 甜得濟...比d蚊蚊勁咀! 哈~ 原來烏蠅鍾意嬲屎屎, 蚊蚊鍾意嬲虫虫 :p

＊＊＊

2007端午節之歌
(曲:忍者小靈精)

遊越過高梯遊越過山
我倆身體攰到散
蚊蚊咬隻蛋
臭臭滿汗全身令你最歡喜

讓兩腳腫得圓圓合緊那小腿
小小粉紅矇起了面腮也漲起
捽蚊爛靈敏身手快趣又清脆
捽眼晴招招出晒好想摙死你
談話有骨那樣寸我又神氣
車厘子最友善與你做朋友
谷主喜歡你

谷內患

依據預防炒飯動作應變專家稱：
意大利粉紅稱之內患被診斷為單獨時醋意放大瘋狂上升自我犯賤雞蛋內挑骨頭症~
簡稱為「單獨醋狂賤骨頭症」!
這病一般在三幾個鐘或訓醒後便會不藥而癒...一般都是發病者自行產生修復抗體, 令體內由雌激素所產生的醋意、小器變成氣體...再經第三眼排出體外!

專家稱： 在病癒初期, 温馨指數會上升, 恩愛如常! 但曾經感染此症者, 多數會週期性發病。 此症多數發生在嚐酸的雌性身上。
預防方法係減少胡思亂想、增強吽得功能、提升信任指數、多聽多講多溝通(不需附加炒飯材料)~


**如想知道更多關於「單獨醋狂賤骨頭症」資料, 可登入網址http://chpinky.blogspot.com/

親情‧愛情

並不是「得不到」才會叫人珍惜掛念忘不了! 如果是...我豈不是要日日夜夜掛住那49個數目字? 為它喊?

少爺仔是我的至親, 掛住他忘不了他...是我真的真的很愛很疼他! 為了他...我什麼也會做也曾做, 那種種你是清楚知道的! 我跟少爺仔那種是「親情」, 等同我媽跟我一樣!
跟你的...是「愛情」! 兩者都一樣是愛, 是不同層次的愛! 如果你硬要我的心只能愛你...不能愛少爺仔或要計算愛誰多些的話! 抱歉...我不能做到也不懂那方程式!
我只知現在我的心放了一谷五口加老闆...總共六人, 而其他在我身邊的人, 我把他們放了入血...要運行全身才可上一上心!

哼...成日話我是醋酲! 那你呢? 更差! 拿自谷人來浸醋呷!
你為了那四句而嬲...是嗎? 另四句是送你的~


今世不滅的愛
三生已定何人
我心早已認可
你是我的心儀

不了情‧未了緣

等了半年足足半年, 你終於都返來比我見下你喇! 你選擇在我們一起長大的家再見面, 我盤膝而坐, 你躺在我的大脾上, 由靜止到見到你呼吸所產生的蠕動! 可以重温抱著你的温暖, 為你掃背的感覺, 再見你可自行行到你很久很久以前的籠籠傍飲水水(儍佬比...個水樽塞住左...你還繼續飲...) 食餅餅(細妹又搶了你的餅...你還是一貫的讓給他), 能夠再看見你健健康康、精精神神、靚靚仔仔! 你知我有幾開心多興奮嗎?
你選擇今天早上回來...是否一到十六號, 你就要去另一處地方? 你一直也記住我對你說過...走之前一定要回來看看我...是嗎? 我的命根乖仔...我知你一定還記得我們的另一個約定... ...


今生不盡的愛
來世願可再寵
恩情無人能比
愛你不論名利

久違了的感覺

恭喜你己成功過左第一關! 下一關又咁快就到, 比心機呀!

＊＊＊

今朝起身成個人散晒! 可能尋日太緊湊的關係! 三百回合...上山下水, 特別係有三百分貝, 令鬥志更為激昂!!! 好彩浸一浸泡泡浴之後...個靈魂返番來jack~~~

其實...我真係吾多慣出戰...呢家野都係你強d! 希望下次我買齊武器, 同你一齊再向目標進攻~

久違了的感覺...多謝你!

大戰當前

一訓醒就要準備作戰狀態... ...
你今晚會會好似小學生去旅行咁...訓吾著呢? 不過我相信吾會, 因為你係爛訓豬!

第一場
我做啦啦隊為你打氣!! 努力、加油~

第二場
暫定三百回合~
我會記住你頭先對我說的: "XXX呀~"
理論、旁觀、感受...我都有! 終於都可以出戰喇...既緊張又興奮!!!

最大收獲

六月九日

由一月尾搵到家下...終於都一雙一對喇! 好靚呀~ 絕配!

＊＊＊

你最叻就係畫畫畫! 吾好話我淨係識讚人呀...衷心讚你架!

＊＊＊

謎面: 123
提示: 吾係One2free, 係深夜三點三
謎底: 猜一句七字成語

＊＊＊

六月十日

又來到我地第一次單獨約會的地方...隔幾間舖...食溫馨三合一...定四合一似d呢?!

＊＊＊

終於都訂左喇...只要你開心就得喇...

＊＊＊

室內天線受到干擾! 都預左架啦! 環境無得改變就由它吧......

如你心寒 有我伴航
命途有風 情藏心中
縱然逃之 不能夭夭
就讓氣谷 變成樂曲

多啦A夢

六月八晚目睹多啦A夢

口: 得喇得喇夠薄喇...吾該吾該!
動: 不停拍人隻手! 跟住在人面前fing手!!!
...幾驚又界眼呀-_-

口: 快d呀快d!
動: 打芝士圈!!!
...係係我呀? ^o^

通緝

Dododododododo溫馨星期二早上KFC早餐後特別新聞報導~

谷主發現通心粉紅在同心攜手內的"心聲"回嚮失左蹤.....現正緝捕在逃虫仕!
凡私自毀滅谷內自己罪證者, 十大酷刑侍後。
犯事者可自行裁決定罪再呈交谷主作最後發落!

同心攜手

希望我決定是對的, 亦希望你會是我身邊督住我的那位! 不過都好有難度......你知你啦~

又係週五慣性...
你個樣實在太得戚喇! 我係吾會比分你架...除非我都可以上堂啦! 我吾制呀~ 我要上堂呀~

無諗到你會問我...幾時會有我地的可樂忌廉??
Hmm...咁入境處幾時批呀?

炒飯必備與不必備

材料:

隔夜飯 (千其吾好用隔夜仇)
雞蛋 (吾好打錯手榴彈)
豆角 (切粒增加顏色與口感, 小心用錯勾心鬥角)
叉燒腸仔餐肉 (隨個人喜好, 但不能挖舊瘡疤上的肉)
橄欖油、生抽適量 (避免在火上加油和監生抽出莫須有罪名)


備註:

炒飯雖然可口美味, 炒多就會變得乏味!
久久一餐尚可, 每日一餐必厭!
為個人幸福著想, 炒燶飯記得洗(補)鑊呀!

夏日新裝

尋晚賴低春虫虫...同大小姐剪毛洗白白...攪左一晚! 爽、靚、正! 一嬲同西C剪毛都有一手, 呢個亦是我同大帝們的親子關係! 而眼濕濕就因為太多cake, 恐怕要攪足一日一夜都可能剪得好樣衰, 所以都係決定拎出去剪穩陣d! 今日春虫虫帶眼濕濕去原產地飛甩cake毛同拮針針! 被人識穿左tim…大讚佢好乖女好似匙羹喎! 嘩...眼濕濕好似去左韓國返來咁嘰..."變身變色"! 唯獨是都仲係一副卷脷慘慘樣...lum到你死為止~
呢兩日同三個女都洗晒白白! 任務完成! 功成偷跳~

＊＊＊

公仔面你知知醜架? 你今日不下講左十次八次...讚自己又滑又靚!
Hey~ 你知知我心目中有乜野係又滑又靚呀?
登登登櫈......係腸粉呀! 哈哈~ 你可以調轉來讀我都吾會反對嘰 :p

Yeah完喇~~~ tum番先! 你好似我地果日食的"通心意大利粉"...咁"正、掂、索" 呀! (有無起雞皮呀你?)

＊＊＊

春虫虫~ 三個屁承惠百伍蚊！多晒 ^_^

情義兩難存

從來都覺得對家人寵物朋友生物死物所有所有可產生感情的, 都要有情有義有責任!
一向...我也是一個多"情"的人, 乜都鍾意攬上身...只要我重有一點點力......
但當情義兩難存的時候...我應該點做??
對你有情; 對他有義!
忘情~ 我不能失去你
負義~ 我不能趕絕他
是我無能...令你有不公平的對待! 對吾住!!!

目標已鎖定但時間難定! 春虫虫可否給多些時間比奴隸獸食呢? 保證一期一會是限期! 好嗎?

再加多日

無喇無喇~~~尋晚係啦屎喇!!!
老闆今早炸我呀 =_="
嘻...我都係出絕招......炸傻扮"你"


你在朝早零舍可愛! 只有你可將我的吸盤鬆開......

＊＊＊

你同我講見到...好開心! 你知知我比你開心百倍? 縱使我扮無事......

五日四夜

五月十八

尖沙咀~ 點解一個商場會有兩間 Calvin Klein 又有兩間 agnes b 架? 第一次喺個街倒同你用電話炒飯...... 鑊氣夠嗎?

我一見到你... 粒水~
你一見到我... 熄火~
我~ 下次吾會架喇!
你~ 下次吾好喇吓!

記得買番個燒焊眼罩先... 吾係遲早盲! 春虫虫喺春眠時會插+界人眼架! 第三次喇 >_<

＊＊＊

五月十九

曳曳到隔離......過火!

＊＊＊

五月二十

九個人一齊去"滾"!
既開心又驚喜~

第一次同春虫虫low低car一齊午夜睇蜘蛛! 又幾正喎~

＊＊＊

五月二一

你今日好開心咩? 飲咁多! 又口多多! 曳曳打打~
第一次見你<獲利回吐>!
下次吾好喇~
你居然讃我好乖好抵錫?! ~ 好野~

＊＊＊

五月二二

歷時八十七小時的偷跳! 破左多項世界紀錄~

救命呀! 春虫虫落左藥(肥仔水)喺啲水到比我飲呀! 四日肥六磅!!!!!有無攪錯?????我一定要去搵解藥呀... 吾好阻我............

溫馨清晨... 春虫虫的懶人病又要發作!

如可維繫才重要

五月十四

你整的豬扒+鵝肝+薯蓉+海薩沙律都好好味, 蝦蝦都好味...可惜慘遭蝦頭閘!
紅酒都好味...可惜......! 我曳曳~

＊＊＊

五月十五

偷跳完滿~

＊＊＊

五月十六

點解等左五個鐘都吾拿番應得的?? 老土與原則對抗!! 電視與食飯抗衡!! 螺絲與胃痛並肩!!

怕你吾高興, 一見到...放底...就拜...調頭上車走, 需時二十秒!
勁 + 叻 + 醒 + 無禮貌 = 只要你歡喜

給我的春虫虫公主

傻豬

主唱：江若琳｜作曲：張家誠｜填詞：樂亦文｜編曲：張家誠｜監製：陳台證

為愛生存　少女的心願
能沉迷熱暖　溫馨裡打轉
但你此時　笑我的想像
傻人才異想　想一世被養

如你話我傻　才知你緊我
甜得我被擁抱冤氣地求助
難得你准我　傻一世都可
容許我受傷了亦有你撫摸

傻傻似隻豬　原來有好處
隨時隨地有事亦優先被關注
任我細聽絕世的甜言蜜語
來將無知的傻豬　都變公主


傻人與蠢豬　原來也可以
全程投入愛人　想轟烈一次
讓我柔情大過天　如可維繫才重要
談情記住笑

未算聰明　但我卻肯定
傻源自內心　想得你和應
傻也是誘惑　傻出我風格
傻豬我幸福到不說亦明白
傻得有方法　傻得夠深刻
傻豬你著緊我又那需猜測

就算我蠢　亦至少仍明白是你重要　傻人的恩賜

媽媽的願望

仔~我等您!

母親節 + 生日禮物

今日春虫虫給了我一個0809的驚喜！感動～

同你… 不多不少也是因為他的牽引！縱使到今日… 我也不能盼我所盼！但有你在我身邊陪我等… 已是另一種氯氨酮、是一張軟墊了！

和同學仔食遲到生日飯，跟住春虫虫加入一齊落滿屋食糖水。你終於都肯蒲頭喇！可喜可賀～

層層疊的偷跳… 是你不是我 ^_^～

春虫虫終於識睇位

媽媽聲停車場~

一百個上過去的...有九十八個都會媽, 其餘的一定係電單車同係鬼(只會忽忽聲)! 對頭都不特止, 上上落落都要前前後後! 重要係石屎實牆(已變了七彩凹凸牆), 慶幸上到第二層就有位...不然一定爸爸都出埋!

春虫虫你好叻呀! 終於識得幫我睇位, 以後low低car的左半身就交比你喇! Hmm...奴隸獸的下半生也交埋比你喇 :p

＊＊＊

卜卜趣吹波波BB吹波波摧
你估佢up緊乜???

盼望

四個多月來的盼望與祈求......會會夢想成真???

清理現場

五月七日~

呢兩日激親春虫虫! 不停tum起勢tum...好彩都tum得番jack!
但都被"落簿", 重話係火住來落添! 好彩我都吾弱, 搵到位上訴下 :p

~應承你的, 如在我控制範圍內, 所有都會兌現!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

五月八日偷跳的清早~

嗚嗚嗚...你對我的要求越來越高, 又越來越刁蠻喇! 本性出晒來啦 -_-"
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

寒風之谷~誕生

Dododododododo...特別新聞報導~
寒風以時速124海厘吹達本...請密切留意最新消息!