至少還有您 (在心中)

我怕來不及　我要抱著你　直到感覺你的皺紋　有了歲月的痕跡
直到肯定你是真的　直到失去力氣　為了你　我願意
動也不能動　也要看著你　直到感覺你的髮線　有了白雪的痕跡
直到視線變得模糊　直到不能呼吸　讓我們　形影不離

如果　全世界我也可以放棄　至少還有你　值得我去珍惜
而你在這裡　就是生命的奇蹟　
也許　全世界我也可以忘記　就是不願意　失去你的消息
你掌心的痣　我總記得在那裡
我怕來不及　我要抱著你　直到感覺你的髮線　有了白雪的痕跡
直到視線變得模糊　直到不能呼吸　讓我們　形影不離

我們好不容易　我們身不由己
我怕時間太快　不夠將你看仔細
我怕時間太慢　日夜擔心失去你
恨不得一夜之間白頭　永不分離




由第一次聽這首歌開始, 每次聽到這首歌也想起您 ~
我的命根 B仔
今晚有您喜愛的叉燒!

至愛您的媽媽上

懷念妳

不驚不覺已經一年喇
還是無時無刻想著妳
希望妳喜歡媽媽為妳整的曲奇餅餅


細Bee 我愛妳

一次性滿足

睇見個標題吾好心邪呀@@


十一月七日

又一年喇! 我地又有得食吉野家個shabushabu喇^^
雖然肥牛吾啱我...但我都有我o既私伙...正! Yeah~

＊＊＊

十一月八日

晨咁早起左身, 又去左太子食八方雲集, 要排隊呀!
無上次咁好食, 又吾脆又開口包吾實! 香港人就係咁...一人多好生意就粗製濫做!

跟住同虫虫去City同尤魚影畢業相! 吾計我o地年幾前去過City 間 bookshop, 今次係首次同虫虫重遊佢的"舊地" ...不過我無乜特別感覺喎! 淨係入到個廁所有d......要捉虫陪住羅~~

跟住去左又一城行街街, 前前後後玩左五粒鐘! 腳都軟=.=

然後車埋尤魚返西環! 我地偷懶吾去做運動不特止, 虫虫仲心血來潮想去帝苑食late buffet, 我地就上樓hea左陣飲完老火湯就出發去增肥喇^0^
本來都幾溫馨o幾...不過就啱啱遇著剛剛撞到虫虫o既"宿敵"...攪到有d尷尬添!

＊＊＊

十一月九日

食完個被坤的三合一下午茶就出荃灣睇cat show攤位...又被騙! 不過都比我o地有斬獲^^
再轉戰出旺角行街食飯, 虫虫成日投訴我吾同佢行街街...見呢兩日涼涼地就實行行到你腳軟為止! 滿足嗎?

三歲生日

雪雪~

快快樂樂
健健康康
古古惑惑
圓圓碌碌

隨緣

第一次見面時已發現左邊有一個摺...心裡不其然又再一個突!
接下來每次也巧妙地不讓我再看見! 雖然我好想知, 但不想刻意去尋根...隨緣吧!
今晚終於見到, 真的崩了!!!


還有待證實! 請保守秘密~

西貢燒烤

星期日晨早六點幾就比虫虫攪醒...訓得兩粒幾鐘乍我! 十半就出到旺角會合舵主同契媽媽地...準備好勁重裝備去西貢野外燒烤, 係我地燒住野食比個太陽烤! 真係熱到野都無胃口食(我啫) >.<

我同虫虫都一致覺得自助BBQ場啱我地呢d懶人多d, 效外的太多野要準備, 又多蟻, 食食下又會空降條虫落黎...依呀~ 除左春虫虫...我係吾會鍾意第二d虫架 ^0^

乾煎到四點先散場, 再去西貢買好味o既包包同ham, 然後在建議下途經"將軍澳"行東隧返西環洗白白! 一輪大洗後真係c服晒~~

開始覺得攰喇, 但都同虫虫過金魚街睇下犬買下魚魚食下八方雲集 (雖然台灣果間好味d, 但呢間都吾錯喎) , 再去花墟買埋花花就打到回谷喇！十二點先返到谷…再攪呢樣攪果樣成三點先訓！第二朝起身整愛心早餐比虫虫果時先黎料...甩手甩腳好似打完五場波行左三個山咁！
我呢個打壞又要灘抖返兩日儲下氣先喇 ^^

《驚》喜星期五

今朝一早比犬吠聲噪醒後就起身整芝蛋治比虫虫拎返公司食! 犬吠聲仲係不斷...

到虫虫要出門口之際...一開門哇左一聲, 居然失驚無神有隻toy poodle行左入我地屋呀! 我又哇虫虫又哇哇~~ 隻poodle可能都比我地哇親就行返出門口樹望住我地, 而我當時都有d怒氣架...心諗點解會有人(樓上樓下都係新搬來的) 放d犬自己係條樓梯到行架! 痴根! 嚇親人加麻, 賴尿落我地d鞋到咁點算呀?!

跟住虫虫又要趕住出門口喎, 我就唯有開門護駕啦, 見個小朋友都幾乖幾得意, 仲好似想叫我落樓搵d乜咁喎, 點知落到一半...又見到一大隻金毛扒左o係下面, 而下面單位隻門又開左喎?!! 望入去又影都無隻, 房門就關左, 大聲嗌拍門又無人應, 望入屋又見到有鎖匙放在枱面, 門口佢地架車又仲係到, 而隻金毛就扮 (點計用個扮字? 繼續睇落去就知架喇) 守住個屋企門口, poodle就走上黎搵人求救 =.= 心想咁o既情況...吾係有人出左事下麻 ⊙_⊙

當時虫虫又趕住趕尾班村巴, 我就唯有獨力睇下咩情況啦! 我又吾敢入佢屋...驚見到d吾應該見到又一世難忘o既野喎, 點好呢?? 於是乎我行返上樓打比老鍾, 點知佢又去左游早水無開電話, 點好呢??
然後就聽到樓上個賓賓同個少主o係到大嗌 =0= 我咪又衝出去睇下羅! 噢...原來係隻poodle又案件重演一次......

不過有分別就係個少主自己行左落樓下開左鐵閘在街外齋睇住個賓賓好驚咁吾敢行落樓, 仲要bilibala孟話自己趕時間呢樣果樣那樣! 因為個鐵閘比樓上個少主開住, 眼見隻poodle行埋出街都吾理 (啦星丫), 我就開始緊張怕個小朋友會走失, 拿拿淋口快快咁叫住 "BB" 快d返入黎啦, 佢又真係好乖咁行返入黎喎! So Q~

跟住我就開路比個賓賓出去倒垃圾, 再等個賓賓返入來我再關好鐵閘, 確認佢吾會再開鐵閘令d犬走左出街流浪, 之後我就再返上樓搵老鍾......

再開門落去望下隻金毛, 又係原封不動氣定神閒咁坐係佢家門口, 而隻poodle仔就好得意咁不停跟住我, 又表演patpat坐地雙手遞起勁可愛咁喎! 仲想跟我入屋玩添, 不過我眼尾啤到阿雪雪好驚咁搵訂呢緊, 所以我就無比隻犬入屋...而佢就好乖咁o係我家門地毯到灘C!

關門後, 阿雪雪已經失去踪影了~~ 搵暈全屋佢平時呢埋o既地方都搵吾到佢, 打開個招雪雪櫃再用尤魚絲引都吾蒲頭(平時九秒九衝住跑過黎架)! 搵左成個字, 終於發現佢娟左入個低音喇叭後再用另一個喇叭set左自己碌架 -__-! 見佢縮埋自己一個波咁塞左係入面吾出吾入吾前吾後好驚驚咁! 我就即刻搬開d喇叭救阿雪雪出黎, 攬住佢呵返佢先! 個樣好可憐咁...可愛到不得了~~~

原來虫虫話今朝起身已經見到阿雪雪慌失失架喇...陰公!!
不過我R爆頭都諗吾到佢點可以娟到入果到, 個入口位只有三隻手指咁濶...以雪雪今時今日盡得我真傳o既身型^^ 根本塞吾入去!! 真係一個迷!!

幾經辛苦搵到老鍾, 知道樓下屋主個手提飛左去留言, 有d驚添~~~ 吾通真係出左事?! 報吾報警好呢?
再過左十五分鐘左右, 老鍾已經飛車趕達, 佢係屋外拍房窗無人應...跟住就同我講: 真係訓得咁淋o既? 咁都吾醒o既! (我即時有d心跳加促) 之後佢就行入屋大力拍房門, 都無人應但房門是鎖住的! 而我就繼續企o係門口怕見到d吾應該見到o既野 =_=!

等我交待一下上文點解話隻金毛係扮守門口先, 事關佢到呢時呢刻都仲係原封不動咁坐o係門口吾吠吾郁懶得理你出出入入拍門大叫! 死未?!

拍左好耐都無人應, 我睇見放在廳的鎖匙應該有房門匙(因為我都用過呢種門鎖), 但我地兩個都吾敢拎去試...!
跟住我就問老鍾咁洗洗報警? 咁情況都吾醒就真係吾會醒架喇喎!! 佢答我: 佢都吾知...! 我就再問佢o係窗外係咪真係見到有人o係房入面? 佢先答我...佢見吾到! 我頂⊙_⊙ 嚇得我丫頭先!!

於是我叫佢再試下打比屋主, 終於有人接電話喇~~
呼~ 虛驚一場!!!!!

最後我就同"BB"(我比poodle的稱呼)講: 搵到你主人喇...返入屋到等啦好吾好? 再叫埋隻睇得吾打得o既金毛入返屋關埋佢地隻門就上返自己屋企, 入到屋又發現阿雪雪呢左入頭先個位到 -__-!

驚《喜》星期五

攪左成朝...醒晒!! 睇返個市, 又跌成八百...無眼睇! 攬住粒受驚嚇疑神疑鬼o既雪雪訓返陣先! 叫虫虫下晝開市再叫醒我, 好快我地就一齊著晒Zzzzz

訓到濛濛瀧瀧之際收到個電話...
個女人話: CH小姐呀, 我係花店架, 依家o係市中心搭乜車可以去到你到呀? 搭960A得得呀?
我都仲發緊夢...隨口up左架巴士號碼就收左佢線繼續訓! 再過左吾知幾耐...
個女人又打黎: CH小姐呀, 我又係花店呀, 我依家o係邊到邊到個公廁呀...我點去你到呀? 你呢到真係好難搵呀!
我此時先回魂問: 下? 你打幾號電話你搵邊位呀? 送乜花黎呀? (其實我都未醒晒...個腦仲諗緊我都無叫到蒸漏水...點計有人送貨黎架?!)
個女人就答: 903乜乜乜搵CH小姐羅...地址係乜乜乜丫麻! 我送花黎架, 不過邊個送我真係吾知喎...
=.=! 成朝o既突如奇來令我R爆頭, 不過比起今朝呢d只不過係小兒科啦! 送到黎睇左乜料先再算啦!
十分鐘後又收到花店小姐個電話: 我搵到你個門牌信箱喇...但係我點入黎呀?
唉...呢位花店小姐都真係十下十下, 再加上那個策劃人又蠢下蠢下! 令到原本應有o既驚喜...變左好似我自己訂左花叫人送貨比自己咁 -__-! 死未?!

一見到札花 (顏色同花店地址)...我已經確定誰是策劃人喇! 就算你吾認...哼! 但你實在係太多破綻喇! 呵~

多謝你特別...蠢...的策劃 ⊙0⊙
多謝你特別...sweet...的花花 ~3~

休養期

好耐都無新卜, 事原係個市太波濤凶擁...而我已身在洋澄湖的就比較平平淡淡! 一句講晒就係懶喇^^

雖然同虫虫久久都有炒下飯, 但都係家常便飯, 訓醒覺又無事果隻!
比較特別的只有係九月尾舵主的正日生日, 買埋帝苑蛋糕加份出古惑手機, 一行八人去了太古城食路比星期二, 其實我想講最特別的係我無遲到! 同虫虫係最早到的兩個 =.= 係咪好特別呢 ^0^

呢輪同虫虫都經常晚晚煑飯仔(吾係炒飯仔), 我又懶勁咁每朝爬起身整埋愛心早餐比虫虫帶返公司食, 所以虫虫近來肥左又靚左喎!
嘻~ 通常話人肥左都要讚埋靚左先吾會比人打架! 係咪呀?

這個中秋不快樂

九月十四日

今年係我記憶中最吾開心的一個八月十五...

零晨已經因為你o既吾體諒而炒飯, 到起身又因為種種再炒過! 各有各立場...心知無話誰對誰錯!

一早已經向外舉左紅牌...一來真係決心戒酒吾同d魔鬼出去襯, 二來覺得中秋節都應該係同所愛o既人曬下月光至! 但奈何車左你過銅鑼灣之後, 遊魂野鬼o既心情再加上周遭o既氣氛, 又無奈地賴低左衰衰! 令灰透的曳曳變得更深! 吾想...但始終都係忍吾到咁......
估吾到咁啱兩年中秋都係食咖喱! 而今年我覺得係哽咖喱, 明明食飽都要陪我食兩啖令我更難受你知道嗎? 吾想...但始終又係忍吾到咁......
深灰因為兩粒雪米糍有些生機! 但一到達聖士堤反灣遇上黑雲, 泊車之際驚覺左面有數滴水迎面而來已心知不妙! 亦錯愕你的即時反應係拎張紙去抹支穿左o既瑩光棒而吾係抹我面上的瑩光劑!!! 一泊好架車定一定神先覺得左眼好乸, 立即落車攞支水沖眼, 已感覺到左眼開始腫但視力還可以, 以你當時的手足無躁...我堅決自己死頂揸車去瑪麗! 免得途中再發生事故...越幫越忙!

護士拎張長條post-it型但硬十倍o既紙放入我下眼皮內驗pH...有九度! 要幫我用生理鹽水沖眼, 可能兩眼係相通的關係, 沖沖下連右眼角都乸埋! 再驗pH...兩隻眼都要沖! 沖左三大包之後再驗係八度...見醫生...話要再沖眼 =.=
護士係咁要我撑大d隻眼沖, 佢怕佢用手幫我撐會整痛我喎! 我話已經努力但我做吾到...試問比條水射入隻痛眼到的本能反應又點會撐得大呢?! 佢話佢都知...亦開始不停氹我安撫我-__-
雙眼已經比鹽水沖到乾晒! 每驗一次pH就等同比刀片落隻眼到一樣! 再沖水就等如在傷口上曬鹽一樣!
好辛苦好想放棄吾再沖, 但佢話吾沖到七度係吾可以比我走的! 如是者沖多左七、八包鹽水左十幾次...終於都去到七度! 我終於都可以離開刑場喇(開心得黎又腳軟), 行出刑場...半件衫比水整濕左, 個頭又痛到爆, 雙眼又乾又乸又漲! 得返半條人命, 見到虫虫...一放鬆個人就崩潰了......
我頂丫! 家下先黎有眼淚...頭先有就吾洗乾曾曾咁硬啦!
再見多次醫生, 攞埋封眼科轉介信再去攞藥就可以走喇! 返到西環已經係零晨三點幾喇, 立即沖涼洗頭食d野滴埋眼水食埋藥就上床, 諗返起今日無見過月光無團個圓, 無樂過就只有悲! 又一次吾想...但又忍吾住......

＊＊＊

九月十五日

訓下醒下滴下眼水fu下冰, 同虫虫訓到四點先起身整野食d野再車虫虫去紅磡, 因為今晚虫虫要去大酒店。
而我就家庭樂, 但自己真係樂吾出又要扮樂! 隻眼受傷吾舒服都死忍吾講, 因為早個星期已經因為打壁球左腳抝柴受傷都未好, 今次受傷位置同十年前受傷跛左"兩年"的位置只差一寸! 如果又知我整親隻做左lasik 吾夠兩年o既眼就實比人鵝死都似! 個人已經夠煩...吾講可以清靜d就隱瞞把喇!

＊＊＊

九月十六日

由於尋日係假期關係, 今日先有得睇眼科!
虫虫個同事放假所以不能請假陪我去睇醫生 >.<
眼角吾舒服好似谷住谷住咁, 有d擔心...四點就起左身眼光光訓吾著, 一早去到醫院又要眼驗pH...又8.5!!! 救命呀~~~ 又要十大酷刑~~~
晨早流流雙眼已經乾, 沖到第二包鹽水我已經支持吾住喊住咁沖! 個護士一邊沖一邊安撫我...但佢話除左沖水去稀釋就無其他方法幫到我! o係果一刻o既心情...只有自己先會知...
終於沖到7.5度見醫生, check 左無傷到角膜, 又無傷到做過lasik o既位置, 都應該無乜大礙喎! 繼續滴下眼藥水, 下星期再覆診!


腳又痛眼又痛都不特止, 今日仲肉痛添! 全市大震直插...睇黎都有排要o係洋澄湖養傷喇我!!!

搶閘出世

晨早八點幾比個SMS噪醒=.=
得知細佬B在零晨0447搶閘出世趕住睇奧運?! 早過預產期成四星期...都有六磅幾^0^ 算係咁啦~
一知道細佬B今日搶閘...我第一個想到的就是《一個約定》...有待證實...

希望細佬B健康成長~

遙遠的祝福

心肝寶貝~

生辰快樂!
願您倆在何地也健康幸福快樂!

永遠愛您倆的媽媽上

戒酒

我在此立誓戒酒!
任何人士如發現我有所動搖...請提醒我鬧醒我!

偷窺

早兩日偶然從十妹口中發現有人對我屋企出人既人都撩如止掌-__-!
一直摸不著頭腦R爆頭! 今朝竟然被我發現原來一直比C9仔隊偷窺住! 被人暗中偷窺既感覺真係好恐怖!!! 好彩果個位淨係望到我屋企個大門口, 吾好彩既就係我知得太遲...條C9剛剛搬走左! 如果吾係我一定掛個"八卦" o係門口...等佢每日都可以望埋自己有幾咁"八卦"! 它佢媽的x@$#&Y!

一個半週年

今年變左係大家減肥成功!!! 吾係一個半週年快樂喎! 因為...我地已經覺得好快樂喇~

dodo現身~ 我相信你吾多吾少都估倒係d乜啦! 我都吾多吾少估到你的反應啦...仲有一次機會喎?!

赫德道8A三十八樓屎weet海景燭光晚餐~
本來虫虫打算可以一路食飯一路睇《幻彩fing啷啷》的...但因為要搵地方安置好史迪仔巴士所以只能睇《彩光耀窄港》~
呢間餐廳既玻璃鏡位design得好特別! 本來應該係浪漫爆的(因為真係暗得黎又吾多人)...如果無附近個街市婆的話! 不過呢到都值得推介的, 因為不單止是食《氣氛》...連《服務》、《味覺感官》都食埋! 抵~ 而且絕對係滿足到我呢個包怪同你呢個菇怪添:P
呢到果然係lum女聖地! 今晚望住你都覺得你零舍靚~

溫馨完就返西環做送貨仔, 之後我地就返谷脷疊脷! 嘩~ D《脷胎》真係正到呢~~~
吾好誤會...我地吾係打車輪而係食海膽啫~


期待有記憶的兩週年~3~

緝毒

零晨四點~

右手食指同指公都好很痛 >.< 事緣接完老闆返谷之後就開始緝毒~~ (幫手執野...其實係想摷手信) 第一時間拆開個 dodo 目及下先...呢個dodo跟我原先想買的有出入! 開始頭痕中......!! (轉頭再講)
繼而要先拆箱雪好d空運到港既海產先...正~
跟住再豆一豆那三個總值$1140大元的頂級超細T嘜蜜瓜 (虫虫的極力推介) ...得35b乍...滴晒汗 -_-!
都吾明人在外地係咪會豪d架呢? 定係老闆high左草(黛衣草)?! 瓖金既海產同蜜瓜...我相信o係香港...老闆打死都吾會買比我食架 =.= (就連我自己都吾會捨得買...我都好慳家架^^)

除左食, 我真真正正既手信原來係盒"炭"...比我放o係車燒既炭~ 呀吾係...應該係吸味既炭! 不過我想問老闆...可可以折現呀? 幾百蚊買盒炭用黎放o係車吸味?! 叫虫虫放少d屁就得啦.........

其餘所有都檢查完畢之後, 我就沖乾淨涼上床望住個 dodo 繼續頭痕...無情情多左件配件! 裝上去又好似靚好多咁...但又吾知點裝喎! 老闆又話琴琴青趕住買...無問過點裝喎! 我上網摷又摷吾到...唯有自己發掘下啦!
依~ 好似可以慢慢退出來喎...不過好實...用左五分鐘先可退出! 不過原來退出左都係焊死的 -_- 拆吾開! 無計可施下就唯有還原啦...吾用配件都無計! 點知...仆街喇!!!!! 塞吾返入去呀! 下? 咁聽日點算好呀! 如是者...我就由坐o係床到唉o係床到o訓係床...係咁塞呀塞塞呀塞...塞左粒幾鐘先塞得返入去...嗚嗚嗚...我兩隻手指頭好痛痛呀 >_< 你聽日好呵返我呀虫虫~

喜怒哀樂

《喜》
今晚...老闆返黎喇! 成個禮拜...我同阿雪雪都好好好掛住老闆...D手信 ^0^
(生女丫生女丫...生舊叉燒好過啦)
係佢臨出發前千叮萬噣比我煩爆要佢幫我買既 dodo 終於都浦頭喇~ 好緊張呀~

《怒》
滙豐就有個日夜理財中心
寒風就有個日夜炒飯中心

《哀》
我的預算與期盼終於都係幻滅告終! 十二萬分既無奈與無癮!
一次又一次感覺到不協調...怎辦?! 又可以怎辦?!

《樂》
等左三個月有多! 上星期六終於都收到考試成績喇...大步過...抹一額汗 ^^

灰......

八號風球

六月二四日

送別虫虫表哥返袋鼠國之後就同舵主地食住家飯! 食食下就得知將會在十一時前掛八號風球, 所以一食完坐左陣...我地就比舵主趕走喇 (話驚我地山長水又遠大風揸車危險喎)! 不過我地沿途返去都無雨喎, 開個車窗睇下d風大大先...都大大地啦不過係熱風黎o幾...明符其實的《熱》帶氣漩!
本來虫虫今日應承同我夜晚去飲下野架! 不過佢縮沙呀...話不如返屋企一路飲酒一路睇電視喎 >.< 哼~ 呃鬼人!

＊＊＊

六月二五日

六點就醒左睇下打完八號未先! 諗住未打完就可以叫虫虫繼續交豬吾洗返工, 點知原來無得訓果個係我 >_<
不停扎醒睇下落波未...到落返三號之後就要出動史迪仔刀疤士去《派餅仔》, 其實咁樣打風都真係無乜著數...至少對我黎講係! 要返工o既都好似仲辛苦左去趕車塞車添! 不過話時話都好似未試過同一個月份內又黑雨又八號喎...吾通真係.........

今日得番半日市, 又係檀花一現升完又跌! 應左虫虫話事齋： 得半日市咪益左你....跌少半日-__-! 真係多晒喎~~~

約左衰衰今日打《乳無求》, 其實我地係想虫虫打波之前跳番part《求乳舞》先, 希望佢夢想成真! 所以三條友去元朗食完 "田中" 就早左成半粒鐘去到攞場! 打左一個鐘啫, 成個人臭晒, 之後仲手震腳痛添! 好彩我無乜接虫虫d《無定向風球》乍, 如果吾係可能成身散晒有排執都似!
等我o的起心肝做返多d運動先! 實行減肥去作反:P

後記~ 打羽毛球吾止係手腳痛...原來成個patpat都會痛架 >.<

無言

昨晚的來電...
被你看見的我...
令你擔心...對不起!

夜難眠、口無言!
有你擁著我睡...令暴亂的細胞稍為舒援...我愛您!

樂極生悲

六月二二日

有人食飽飯飯返到屋企煲住碟食古力樂雪條, 佢食完之後我就好心比張濕紙巾佢抹下個黐立立o既咀啦 (慎防d人未抹咀就雷落我到), 點知d人抹完個咀就張張紙巾放左係側邊張枱到繼續煲碟, 咁煲完我咪拎起舊紙諗住揼左佢羅! 點知一攞起...有人就望住我隻手指大笑! 我一望...頂! 有舊鼻屎high左落我隻食指到呀-__-! 即時斜睥條笑到標晒眼水的死虫虫, 諗住張粒鼻屎塞返落佢個笑到合吾埋o既口到啦, 但失手! 我見事敗就拿拿聲去廁所洗手啦, 而虫虫就笑到cut住咁行入房攞衫沖涼, 說時遲那時快, 虫虫衝入黎廁所, 原來佢卓琳仔上身呀......玩到<嘔>呀! 虫虫嘔返d古古力雪條出黎不特止, 仲要係由床到廁所沿途都係 -__-! 好似賴屎屎咁好核突呀! 唉...之後就梗係大工程啦我 >_<
哼! 我以後都吾同你玩鼻屎呀...屎虫!


討厭今晚聽朝今晚聽朝今晚聽朝!! 不過...總掣已關...無機會再跳線了!

＊＊＊

六月二三日

尋晚有人嘔到張床肉都係, 用水抹完仲要開行冷氣加風扇狂吹成粒鐘先可以鋪床單! 就係咁, 有人就吹到病埋發燒燒返吾到工添! 唉! 玩鼻屎玩到咁你都算係經典呀~~~


我今日已經好無心情架啦, 點知去食飯泊低架車, 食完就去左超市入下貨, 到攞返架車果陣就發現比人high花左個右車尾! 仲要係深到入晒肉果隻 >.<
自己又或者虫虫high花都心甘命抵丫! 比人撞完走埋就真係忟爆 .\¥/.
點解我頭頭碰著黑架!!!!! 幾時先可以比返d光明我呀??!!

酒色財氣

時間緊迫的關係, 612同你父親食飯, 614同我父親食飯, 由於615係父親節o既關係...我地各自各精彩! 為o既又並不是各自的父親喎...好難明哩? 正確d黎講係因為虫虫要返西環村吾理我 >.< 我就唯有免為其難咁去作反啦^^

＊＊＊

六月十六日

尋晚作反過度...深夜三點半被虫虫追蹤:P

今晚等虫虫放工去左黃金食飯, 跟住去左睇Sex and the city, 煲淨season5同6都等吾切要睇左先! 正~

轉移陣地青山灣烈火戰車, 乜得虫虫咁大膽...沿途吹虛我激戰! 戰意未盡...返谷再三搜尋確認進攻......

＊＊＊

六月十七日

晚飯後與虫虫取得router, 日日落雨都無乜好做, 眼見《卡通》乍現, 濕地強勁, 心癢手痕...再激戰連場^^

＊＊＊

六月十八日

連續兩晚激戰, 攪到我發夢都出戰...有d抽根但心癢 =.=
攪醒虫虫...寶貝早晨全餐奉上!

原定計劃, 煑定飯仔等虫虫放工返到黎就開飯喇! 開始厭倦出街諗食乜, 呢期鍾意煑飯仔家庭樂~

臨訓前為左舊電無啦啦比虫虫鬧! 嬲你.\/.無聲炒飯! 虫虫出嗲功擺平!

＊＊＊

六月十九日

虫虫家族飯局, 以前飲酒要每次入紙申請, 家下我行為良好已經有通行證喇 Yeah~ (一副得戚樣)

＊＊＊

六月二十日

入(汽)油就不停升升升升升
入(石)油就不停跌跌跌跌跌

呀運呀呀運...你幾時返黎呀??

谷主又係時候沉澱下喇...

黑雨後的端午節

六月五日

今朝六點就比老闆噪醒左去做速遞員! 未訓醒又眼矇矇咁火速拎條鎖匙比老闆, 拎完條鎖匙準備返谷再訓過...都未返到就收到老闆電話話"吾該吾該真係吾該晒喇"...吓?! 我聽到覺得好怪羅! 洗吾洗呀-__-! 老闆又話都係博一博打比我, 睇下我會會肯肯咁快出到去乍...衆所周知我個朵叫雲吞架啦:p 二分鐘出門口係奇績黎架! 嘻~ 事實上我只係著左件風褸就出去喇, 上車落車根本就吾會嚇到人就無所謂啦 :p

唉! 其實晨咁早又落雨仆出去都無所謂, 最慘就係我返到谷訓吾返呀 >.< 磨到虫虫放工果陣就超眼訓! 不過又應承左煑好飯等虫虫一返黎就有得食, 就唯有頂硬上啦! 二條友撐枱腳兩送一湯白飯任裝~
食飽飽之後都無出街, 因為好大雨仲完全無停過添! 一路落到第二朝...

＊＊＊

六月七日

祝去左wet的老闆快快樂樂健健康康~

成晚都不停行雷閃電落大雨, 已經訓得麻麻地架啦! 九點幾又係比個電話噪醒起身收紅酒! 點解朝朝都噪醒我架 >_< 我又再一次訓吾返喇!

本來要中午同虫虫出西環執野裝新冷氣, 好彩我見咁大雨就叫虫虫打返去問下會會取消先啫, 得知原來西環水浸晒一街都係泥水! 再開電視睇, 都係紅雨姐...點解會咁浸法架?! 但原來頭先六點幾掛左黑雨, 周圍都浸得好利害, 香港路面幾乎癱瘓! 電視上睇到浸到上腰又有, 連的士都浸左半架死晒火, 有架私家車仲好似o係水入面飄飄下添-__-! 咁樣浸法...架車一定吾洗要都得喇! (但點解今朝有人可以咁早送到紅酒黎o幾??!!)
摸木摸木...好彩無盲舂舂出左去, 以史迪仔巴士o既高度...真係不敢想像 -.-

見到咁o既情形真係街都吾洗出, 就索性同虫虫大覺訓! 一訓就訓到四點, 起身之後得知大蛇一家大細今晚大駕光臨韓舍, 吸定塵洗定地迎接大細B啦梗係, 跟住就出街醫肚兼夾買定啤酒汽水薯片蝦條春卷仲有沙拉骨等今晚齊歡暢啦! 到夜晚十一點幾就出左尖咀接齊兩大一中兩細回谷開餐飲酒, 係就係夜左d...不過難得聽日個個都放假麻!
到最後, 個個都訓晒就淨返我同虫虫同細細個一齊煲碟食珍珠無核堤子, 心野o既細細個又為食喎^^木起個咀食到卜卜聲超可愛~ 食食下掃下佢個頭仔仲著埋添^^
都吾知有幾多年無同過BB一齊訓...感覺好得意! 不過我同虫虫都無得點訓, 吾係細細個扭計...而係粒人仔霸左半張床, 批手伸腳頂籮乜姿勢都有, 佢郁一郁我地就醒一醒, 望住佢個蠢蠢地o既樣真係好得意! 想當年...雪雪都係用個蠢蠢地眼濕濕o既樣氹左我帶佢返黎, 而虫虫亦都係春虫虫...我先"中招"乍~~

＊＊＊

六月八日

醒左之後虫虫就開始煑早餐比大家食, 食完之後兩個B就浸下浴玩下水, 本來諗住晏d去飲茶踩單車, 但有阻濟, 改左去會所食野再同bb玩左陣sir豬仔再去冒險樂園玩! 全程一中兩細玩到癲晒......

世事往往都係人算不如天算的! 為免令虫虫難做...o係送何小姐返歸做節、細細個又回家交豬的同時也送埋虫虫一程!! 同大蛇三口hea住等虫虫歸隊先再去打邊爐! 同大蛇盡情啤啤佢...清返剛才的悶氣!

二日一夜的食喝玩親子之旅告一段落~

＊＊＊

六月九日

今日訓到直至d手腳歸位先願起身! 出去食完個三合一下午茶再入沙田搵埋剛剛踩完單車的大蛇一家+姨媽媽再行街街! 可能落左幾日雨, 一到好天就個個都蒲晒出街, 到到都好多人呀! 無乜好行就唯有去食飯飯啦, 入到沙田就梗係食大圍強記雞粥啦! 再去食埋個康師傅甜品就滿足晒喇!
鬥快食粥粥贏左o既卓琳豬仲大開金口唱歌仔娛賓添, 希望個玩得好內斂o既卓妍豬快d識講野一齊唱就好喇! 仲有就係快d放膽d去踏出佢o既"第一步"就最好喇~

＊＊＊

六月十日

沉澱進行中.........

底線

五月三一日

第二次《大過》


腦內出現一些歌詞...

當你靠近　臉上盡是密雲
傻人都知一心對我降溫
我在迴避你親近　沒疑問
最後悔　試過故意對我倍加關心
誰知我竟會抗拒你的慰問
...
最重要　我試過說偶爾也想單身
提醒你不會揹上太多責任
...
你不怕　死心不息愛我
表演討好的雜技
不惜更改性格都想配合我
施展魔鬼的嫵媚
加起修女莊嚴難以令我在意得到轉機
...
哭泣表演可憐我嫌棄
大概正中我厭惡的禁忌
...
冷待你　也要勉強對我笑得開心
如果不想答你永遠不會問
小心到以為能夠
得到報答垂憐你苦心
...


一邊煲碟一邊嘆美酒佳餚, 原來紅酒係會因人的情緒而變味的!
虫虫今晚陪我飲, 之後又搵《大口仔》傾計-__-!

＊＊＊

六月一日

昏迷十二小時, 食完個三合一茶餐就去買餸準備今晚的晚飯! 虫虫的天份再加上史雲生的威力...每次都製作出超水準的住家菜! 每餐愛你多一些~
煲碟進行中......
虫虫解禁, 但奈何谷主被點穴!

＊＊＊

六月二日

尋尋覓覓都搵吾到...吾通真係要等三個禮拜?!


我都係覺得"田中"好好多, 呢間雖然架車泊到係門口, 但係真係好吾掂當...渣晒! 不論食物同伙記都係 .\/.
近舊B仔涼粉呢間日本野(吾記得個名呀), 我相信都係最後一次幫襯喇!


煲煲下碟口痕添:p 兩條友隊晒包大珍珍咁濟! 連雪雪都食左幾"粒"~


虫虫天生係一個火人~ 凍到死都要開冷氣訓! 今晚又凍親我喇 >.< 訓訓下起晒雞皮~~~

＊＊＊

六月三日

剪完頭髮一出門口就落雨落到要扒橡皮艇咁濟! 有Eddie哥借o既傘都無用, 條褲都係變左漸變色...仲滴水添 =_=


虫虫爹o地生日飯, 終於都有得睇姨媽媽o既結婚相喇(不過未睇晒添)!
細細個又多左幾隻牙仔, 大大個又古惑左, 而鮑b就靚女左!


後記~ R爆頭的msn!!!
火虫： 媽咪打黎, 叫我地後晚出去上環食飯呀...爹o地生日!
(R爆頭的)曳曳： 下?! 新舊曆都過左喇喎! 點解又食生日飯o幾?
火虫： 爹o地喎! 你知知邊個爹o地架?
(啟動轉數機的)曳曳： 哦...四姨丈呀!
火虫： 係呀~ 我從來都吾叫爸爸做爹o地過喎! 爸爸叫爸爸...兩個字發同一個平音, 四姨丈叫爹o地, LCM (舊公司同事)就叫爸爸...兩個字發吾同高低音~
(暈暈地的)曳曳： 你真煩! 咁請問你頭先話媽咪打黎...媽咪又係邊個呢?
火虫(搶答...好似知我會問咁)： 媽咪就係真媽咪~
(滴晒汗的)曳曳： -__-! 呀小姐! 你媽咪又叫媽咪, 四姨媽又叫媽咪, 對住我...我媽咪你又叫媽咪! 咁邊個先係真呢請問?
火虫： 真媽咪就係真啦~
(O晒咀的)曳曳： 吾該晒喎!

虫事件簿

五月三十日

老闆農曆生日, 去黃金食buffet, 虫虫幫我夾左幾舊波蘿、西瓜同一粒幾紅潤的士啤梨撻, 我自己就揀左兩件cheese cake就返埋位食啦! 食完d生果就望一望粒士啤梨撻...撻內並不是我愛吃的吉士而係cream, 心想不如淨食粒士啤梨啦! 再望下粒士啤梨表面有d白糖粉同黑色一點點的核...o衣?! 有一點零舍"大點"喎! 手痕痕就搵隻叉鳥佢出來睇下啦! 就係咁一挑...虫虫呀...你睇下係係你同鄉嚟嘰? 好恐怖呀~
虫虫一睇...我頂...叫經理嚟啦!!!
第一條經理就道歉話賠送飲品比我地! 妖...你比支紅酒我我都飲吾落啦家下! 後尾又有第二條經理過黎道歉乜乜物物! 最後就少收一位當係賠罪! 扣除promotion的二送一吾用得, 其實佢計計埋埋都無乜蝕架! 錢...我地的而且確係比少左, 不過變相係credit card公司蝕羅! 呢個虫虫係埋單走後又心有不甘扎扎跳~
唉...算啦! 反正我都無食到條士啤梨虫! 食半粒先發現我就真係同佢死過喇!

繼火龍果、慕蓮後...士啤梨已列入"捉虫"黑名單內, 好在谷主一向對士啤梨都興趣不大啫 -__-

＊＊＊

後記: 谷主一向喜歡將想打的blog打左落手機先, 等得閒的時候再post上網...
其實係想講, 當我打了《虫事件簿》的同時...虫虫又在同一時間發放《蠢人事件簿》! 有咁得咁橋定係心通呢又?!

sex and the city / valley

五月二十三日

虫虫放工去買咗泰昌蛋食o達同沙翁比我食, 更附送多碟炒飯!!
晚餐後, 為咗等"放學"返谷, 有時間比虫虫呻下, 不過攬住喊一陣好喇...喊得多吾靚女架喇! 都已經吾係幾架啦:p
返到谷, 虫虫整蟹子沙律比我聽日食! 正~
煲碟交豬~

＊＊＊

五月二四日

訓左五個鐘頭就比虫虫攪醒左! 好可憐呀我 >_<
好彩在我的古惑招下都同虫虫訓左個晏覺仔啫^_^
起身同雪雪剪圓手仔再沖涼洗白白, 兩個夾手夾腳同粒雪吹毛毛~
跟住就出去食飯飯...極黑豬~正~
食完飯行左陣市中心就打道回谷喇! 飲下Baileys煲下碟 ~正~

傳說中老闆教識左雪雪比手手=.= 但我一直都未見過! 今朝在老闆的示範下...我同虫虫終於都見到喇^^
最特別就係雪雪淨係每當訓醒起身果陣先會聽話比手手架! 其他時間係聽到都炸傻扮懵的! (好彩雪雪基本上一日都會訓醒三幾次啫! 嘻...似我~)
當佢每次比完手手, 你再同佢掃頭仔, 佢就會一個lum 爆樣對住你架喇! 真係可愛到不得了^^
雪雪依家朝朝都會嗲住虫虫同陪虫虫沖涼架(其實可能係住虫虫睇下佢係咪真係有沖涼:p)

＊＊＊

五月二五日

好彩虫虫都吾知醒起身返西環飲早茶啫~
尋晚虫虫無啦啦話想食餐肉炒蛋, 所以今日就整左個愛心午餐過佢食喇! 食飽飽就同虫虫一齊做運動...同史迪仔巴士洗白白, 跟住再同自己洗白白後就出發去接虫虫兩老去西貢, 行下tea下睇下hea下之後就揸車去左清水灣布袋澳食飯! 嘩~ 車多到不得了! 由下至上轉彎再轉彎泊到上山...泊低架車之後係有專van再接返你落下面酒家的! 有無咁旺呀?!
由於又熱又無風的關係, 我地放棄露天風味, 坐有冷氣的"閣樓"! 可能閣樓空間有限同真係太旺, 所以好好好噪! 同枱講野傾計都要放大喉嚨先得, 耳仔簡直就係活受罪 -__- 我至憎!! 雖然呢到d海鮮係好味過西貢, 但我真係無乜胃口...實在係太噪喇! 飯後返左西環飲埋碗住家湯就同虫虫返谷煲碟交豬喇!

病除

上星期老闆抽親條根, 成個禮拜都無出勤兼且要日日去做物理治療! 睇見佢咁...真想比晒d能量佢! 佢就黎就生日喇...希望老闆早日康復身體健康啦!

＊＊＊

五月十四晚

同虫虫行完街街食完飯飯, 虫虫就被攻冚了! 眼眼鼻鼻一齊流!

＊＊＊

五月十五日

虫虫頂左一日都仲係咁, 逼於無耐佢放工又要幫襯下養和喇! 之後都照原定計畫同舵主慶祝遲來的母親節, 火立又係無到! 飯後虫虫拍左藥...之後返一返西環就同虫虫返谷休息, 在車上...虫虫已經開始西迷迷!

＊＊＊

五月十六日

虫虫都仲撐起身返工, 但撐到下晝已經頂吾順要早走了! 就連我也感覺有些吾妥...要拍粒丸鎮壓住先, 接過虫虫, 兩條友就返谷訓死左! 訓到十點起身煮個麵食...食完又訓過!

＊＊＊

五月十七日

我地同老闆飲完茶就返屋企hea到七點先出置樂睇下有無魚缸買, 嘩! 個魚缸平過我地係 B&Q 睇成八十幾蚊呀! 立即同魚魚細屋換大屋啦梗係!
食過飯就返歸同魚魚搬屋喇! 由於工程大...我地又要炒個飯來點綴點綴一下-__-

＊＊＊

五月十八日

小器虫虫今次嬲隔夜都仲嬲緊! 我氹左成朝都氹吾掂, 最後就唯有出絕招啦! 嘻~ 到虫虫氹返我轉頭~~~

屈左係深山幾日, 條精神返少少既虫虫又要扭計出街去搵兩個B, 一行六大兩細行街加食飯足足o係葵芳hea左六粒鐘! 攰加上胃痛牙痛...返谷擦牙沖涼就立即上床訓喇我地!

＊＊＊

五月十九號

同老闆去針灸, 一路等一路諗起以前同個仔去針灸的情境.........

係我需要你的時候, 你竟然吾理我去理第二個!!! 哼! 空氣中開火啦! 一路炒到夜晚...炒炒下虫虫話個肚好痛, 但風頭火勢, 我都以為你係普通的肚痛同炸嬌要我返你, 於是乎就無鬼理你, 只叫你叫火立陪你落樓下搵個夜診睇下食過藥就得啦! 點知你睇完食完藥都話好痛仲又痾又嘔添! 可能係《狼來了》的關係! 令我質疑你的嚴重性, 都一直無出來搵你! 直至零晨兩點幾火立同你上左瑪麗, 再從電話中聽到你的"回吐"聲! 我就知吾係《狼來了》喇 -__- 九秒九飛落街揸車直飛瑪麗, 見到你謝晒個樣真係有d內咎同心痛...對吾住呀虫虫~

唉! 我真係情願過晒d病痛比我, 等你同老闆都精精神神精靈活潑!

祝願人人健康、世界和平!

飄色遊記

記得上年o係你屋企同你睇住個電視睇搶包山, 當時你話想去長洲睇飄色想左好多年......

事隔一年, 終於都可以同你去喇! 晨早同你食完個早餐就魂不附體咁搭快船入去長洲, 真係成個長洲都好熱鬧, 周街都係各式各樣的"平安包", 有食的、有著的、有用的、無用的通通都有! 簡直就係野都貼個"平安"上去就賣得咁濟!
一去到我地就去睇下今日麥記係係淨賣齋包先...原來係乜都有得賣o既! 只係多左一個"香趣素菇包"賣, 睇來都只是應下節啫! 而其他地方都一樣有大魚大肉食到你俗~~
超...仲以為真係全部人要食齋咁誠心添!

沿途行下行下, 望完個平安包山...都吾"平安"o幾?! 虫虫又為左我吾順虫意而黑面...事情發展落去就梗係炒一大鑊飯先能夠灘凍啦! 兩個火人燒完就無事喇! 去左間酒樓仔食齋再吔個平安包保下平安先!
差不多兩點, 夠鐘埋位喇! 擔櫈仔霸頭位睇飄色巡遊的人一街都係!

哼...比我地遇著兩個長洲臭八, 呀芝呀佐! 長洲有呢d出產, 真係影響市容! 吾好以為係長洲人係拕地就巴閉得架, 又要遮住個樣怕人認得! 又要扮勁! 咁鍾意霸地方就痾督尿去霸啦! 遇著我地兩個你真係無運行, 好聲好氣對你吾得的, 係要人小你先安落o幾! 犯賤~

我地兩個都係第一次入長洲睇飄色乍, 睇之前根本都吾知呢樣野的由來係乜架! 好彩一路睇一路有個喜歡說話的上左年紀o既原居民呀叔同我地做解說, 咁先明少少乍!
原來係每一隊都從不同的廟內請左"神"、"佛"、"旗"、"寶劍"等等出來, 亦有些係打鑼打鼓或是扮成不同做型的小朋友去巡遊, 每隊鬥快去到終點就為之勝出, 勝出隊伍來年就會平安好運咁話喎!

睇完今次的太平清醮飄色巡遊, 給我最深的感覺就似戲入面的黑社會一個一個社團鬥人多鬥曬馬似的! 聽呀叔講第一隊就已經係"新義安"添, 吾怪得之個個都係d乳臭未乾又擔住支煙一路行一路扮型的o靚仔o靚妹啦!
呀叔仲話以前每次都打交添呀! 唉...呢d風氣習俗文化繼續維持是好是壞就真係見仁見智喇! 不過當是一年一度聚下舊高興下都無妨o幾!

睇完飄色去試埋個麥記素菇包再行下食下就排隊坐船走人喇! 咁細個島, 真係無辦法可以hea到夜晚十一點幾睇搶包山 (都又係搶得最多就贏就最平安果隻啦)!
行行企企左成日, 又等左個幾鐘船, 一上船無耐...我同虫虫都頂吾順喇...盲到落船!

後記: 我相信呢個o係我唯一的一個飄色遊記~

幸運《四》遇上一百貼

N年前的四月初四星期四…

今天又是四月初四星期四

2008生日台灣篇

四月二十二日


好彩打去check多次個台證點啫, 先知道原來去到機場先攞可能係要排成粒幾兩粒鐘的! 為免失預算及嘥時間...就o拿o拿聲飛出CWB拎埋虫虫張身份證再走去金鐘攞左先就萬無一失喇!

嘻...我都有做野架!

食完晚飯就等虫虫攪掂晒野就返谷執拾行裝, 其間都有d飯香...唉...大家都擔心黎緊呢幾日會否炒飯呢?!

＊＊＊

四月二三日台北

訓得果一陣就起身再同雪雪傾下計就出發喇! 一出門口就聽到虫虫o係樓下大嗌 "落雨呀" -__-
好彩上到的士就停雨啫^_^

去到機場check-in 完就去食左奶油豬+三文魚炒蛋+火腿+茄腸通...個早餐多到好似午餐咁! 不過食完就肚仔痛 >.<
1110準時起飛, 好彩頭先食飽飽, 個長榮機餐真係把鬼! 肚仔又再痛, 要從高處播放添:p 好似玩緊機動遊戲咁, 架機又震又拋, 雙手要捉住前面的橫鐵再凌空...幾分心呀! 真係少d技術都吾掂 =.=

安全降落台灣桃園機場! 虫虫即時榮升為領航員~~
成個行程都係虫虫一手包辦, 去邊到搭乜車轉乜車, 我一概吾知! 嘻...就係好彩吾知先吾會炒飯! 因為後尾我先發覺搭的士係同搭捷運再轉的士係差吾多價錢的...時間就差得遠喇 -_-

幾經轉折, 終於返到酒店喇, 同想像中一樣細但乾淨舒服! 相信吾會好似上次同虫虫去大良咁訓吾著喇卦-_-!
沖個涼就出發去酒店附近行街街, 之後再搭車趕去虫虫數日前己經book定枱但又神神秘秘吾肯講我知的餐廳食飯! 嘩~ 一入到去見到架粉紅色mini...虫虫的至愛呀! 可能心通關係, 其實我之前都估到係同車有關的, 只係吾知實質係乜東東! 成間餐廳得一架係完整的一架車改裝成一張枱比客人坐入去享餐, 感覺好得意!
D野食都吾錯, 我地仲用個汁汁DIY左個CHPF添!
不過mini真係好細架, 兩個人一前一後都還可以, 三個會幾逼, 出入都有d難度! 再加上我地與日軀增的身體, 所以呢...買車都係吾好買mini喇! 呵呵呵~

與虫虫的台灣同事(同虫虫一樣有好深既酒粒的)相認後去行士林夜市, 見到好多野食但都食吾落...失敗! 其他的, 與香港的女人街差不多但貴過香港少少! 連虫虫都無乜購買慾, 只係買左套DVD就打道回府喇!
Sweet sweet...交豬~

＊＊＊

四月二四日

六半morning call, 孿到七點先願起身, 食埋個早餐九點二出發去故宮博物館睇小白菜+豬腩肉! 臨出酒店又灑一陣細雨, 好彩真係一陣啫! 再行左汪汪喵喵館, 買到手信比我對仔女喇! 好野~~
再食飽飽就去睇我的至愛...海芋花花(馬蹄蘭)! 其實自己去都幾難去架! 轉完又轉又等又轉咁! 跟團真係會方便好多! 不過真係好多好靚的馬蹄蘭, 我地仲感受埋親手採擇的感覺添, 都真係幾難抆嫁...好有技巧先吾會抆斷! 一百台幣任採十支, 平到震呀~~~
食左d小食就要趕尾班車落山喇! 好靚o既花; 好涼既天氣; 再加上抵錫o既虫虫! 正~

返酒店放低花花沖個涼再會合Amber去師大夜市行行飲飲食食, 台灣的"珍珠"真係好有咬口...賣飛佛~
師大比士林好行得多, 至少都買到野丫^_^
臨走仲買左"老味"加啤酒返酒店做宵夜...又肚滿腸肥喇~~~

＊＊＊

CH四月二五日

零晨時份...呢埋左係虫虫個喼到幾日o既史迪仔終於"上床"喇! 多謝浴虫虫~
(滿腦疑問...虫虫由二月已經開始鬼鬼鼠鼠收收埋埋攪o既係乜呢? 我知吾係呢樣...哈...吾通真係怕我生熱痱?! )

尋日實在太攰, 今朝孿到八點先願起身! 食完早餐就渣渣淋去"大溪浪漫花海", 搭搭轉轉總共兩粒幾鐘先到! 真係有好多好靚不同顏色的花花呀! 仲又個小小的牧場仔...有馬羊牛犬豬兔等等等添! 隻馬識叫我開水喉比佢飲水水架, 仲飲到o習o習聲添! 我地又買左紅蘿蔔餵佢地食, 好得意呀佢地^^
遊覽途中...有遊人帶左隻"史樂比犬"一齊去, 佢坐左o係地到抖涼, 驟眼望落去...依? 隻犬點解有三隻腳仔o幾?! 望真d...原來係佢條何大b呀! 勁呀~ 同對腳仔一模一樣大咁成條撻o係塊地到呀 ^0^ 吾怕熒親架咩?!
虫虫畫左隻生日蛋蛋比我, 可借我賴低左係回程的公車上...對吾住呀虫虫同蛋蛋~
由農莊搭車去大溪再轉個半鐘頭公車返西門町, 我同虫虫都zzzZZZ
因為係大溪花海入面的餐廳只得Tea set, 又吾係好啱食, 加上又要趕車(差吾多成粒鐘先一班), 所以一到西門町就立即搵野食喇! 揀左一間叫蛋蛋屋的, 成棟樓都好似隻雞仔咁! 連侍應都係"雞仔聲"...卡通人物聲咁...攞你命~
個焗田螺同個咖哩吉列豬扒滑蛋包飯同甜品都好好味, 而虫虫的芝士漢堡扒蛋包飯個賣相都吾差, 只係杯飲品的味道就怪左少少兼吾夠凍! 但整體都幾ok架! 佢同麻布茶房係姐妹店, 都值得一試架~

食飽飽之後就接到Amber電話話出o黎搵我地喎 (佢公司係西門町附近), 呵...原本的二人世界發亮了-__-
行街街、愛的紋身、買手信、掃街、影貼紙相、搵苯的夾公仔機, 最後當然又係買宵夜返酒店食啦! 西門町的"老味"同炸臭豆腐超好味呀!

今年生日《食住開始》《食住終結》有乜辦法吾肥丫!!!
完完全全中晒虫虫的鬼計! 曹肥我...等我無得作反~ 哼~

＊＊＊

四月二六日

台北之旅最後一日喇, 雖然每日都不停食食食, 但都仲有很多想食的但未食到! 於是乎我地就放棄左酒店的早餐, 晨咁早去酒店附近的鼎泰豐主店試下喇! 晨咁早就有人o係門口排隊等開門...洗洗呀?! 我地有幸食到只有主店先有兼星期六日先做的小籠湯包, 一籠二十粒 (手指公咁丁粒) 跟每人一碗清湯, 好味! 過百元港幣都係值的! 醉雞同擔擔麵都好味, 不過個出名的小籠包就麻麻喇! 一籠十隻, 包內有汁但肉質麻麻! 成港幣七十幾蚊一籠就真係一次過好喇! 虫虫可能要補補身, 自己隊左碗牛肉燉湯添! 值得一讚的是, 侍應生個個都係醒果隻, 服務態度一流, 不停有人行來行去實去為你添茶和添薑絲 (又係賣飛佛), 呢餐小籠包我足足K.O.左四碟薑絲呀^^ 相比起在香港...食小籠包比碟薑絲你已經係恩典果隻! 這裡真可足滿我呢隻薑C呢~~~

食飽飽之後就去左天仁茶莊買手信(自家必買品在此)! 拎返酒店再check-out埋就出發作"最後一擊"喇~
有無攪錯呀! 所有店舖都無一點不露!! 等得佢開門我地都差不多時間走人喇! 無癮!

虫虫今日做左刺猬-.- 掂親都屎! 再加上係我無意的"最後一激"下, 有虫連最後的擸物也放生了! (之後又揼心...賴我激親佢喎 -__- 真無辜)
時間無多喇, 飛的去買埋雪雪的手信再冒住無得搭飛機同飽屎的危險, 食多個魯肉飯加炸蚵仔再買多個臭豆腐添 (不過吾夠西門町的好食, 我地食左少少就放棄喇)!
成三點先趕到返酒店拎行李, 再電召的士去搭機場巴士, 已經超趕架啦...點知個的士佬個尾箱放滿晒野放吾到我地d行李喎! 頂~ 明知接酒店客就一定會有行李架啦! 無位就咪接柯打啦! 由於時間緊逼都局住放晒入車廂, 點知上到車佢都仲要又呢又路喎! 激到我地媽聲四起 .\¥/.

六點二機, 差不多五點終於到達機場! 虫虫都仲有時間買多份手信兼買多杯星星凍降降火:p

回程架長榮機細左但都有電視睇有機打(去無架...渣!), 個飛機餐都係包包...不過今次都食得落口! 未夠八點就安全到埗喇~


後記： 話說春虫虫因為蠢比人呃, 身在台灣酒店時遇上"格冷"而得知原來CX做promot, 機票仲平過我地呀! 蝕呀~~~

心底話：虫虫~ 好多謝您為我準備的一切, 呢個生日;同我地的第一次外地旅程, 都會永久保存在心 ^3^
期待兌現港泰三點呀...減肥呀減肥呀減肥呀!!!

四月大解禁

終於都考完個試...希望吽臭完有成果啦! 希望無白費虫虫為我影"轆屎"都加隻"屎侄仔"落去陪我讀書啦!
同埋感激虫虫係我最後先來沖廁時為我煮飯洗碗收衫曬衫乜都一腳踢! 錫晒您~3~

呵呵呵~~~曳曳又出動喇!

＊＊＊

四月十九日

雪雪妹妹剪咗個夏日新妝~變咗白雪雪...亦暴露左佢肥dum dum的秘密^0^

唉…虫虫湊肥人…連貓都不能幸免！！！

晚上同何家、吳大吳細兩家人一齊去滾! 又有細細個, 吳大象收工都落埋黎添...好齊人好開心!

飲飲飲飲......虫虫都無鬧鬼 :p
虫虫我係真心讚你今晚好乖架! 請鼓掌~
好多謝吳家上上下下的大大細細史迪仔禮物加出浴豬仔杯杯! 嘻...不過我最鍾意的係西環電台主播的hand made車厘子袋仔~ 好特別

今晚無醉但有酒意亦好開心...返谷時自走左一段, 不過估吾到虫虫會話"吾舒服"叫我慢d -__-

住家飯

近排經常同虫虫o係屋企煮飯仔, 虫虫整魚香茄子蘿白煲、糖醋排骨同蕃茄蛋花腸仔湯飯都好好味!
好鍾意食住家飯, 再加上虫虫經常o係我無還擊力時攪攪震...曳到暈但sweet到漏~

＊＊＊

cream brulee製作失敗...我下次自己試!!!

＊＊＊

星期日, 三條友去左嘉湖海逸食buffet, 好享受飲紅酒食cheese cake的感覺 ^0^ 仲有虫虫服待...每次都幫我冰鎮隻酒杯轉杯再加酒, 每一啖都係享受! 果一刻我覺得自己好幸福呀~~~
不過虫虫話覺得自己有d助紂為弱喎 :p 我就覺得係百年難得一遇喇!
虫虫那一刻變得善解人意體貼入微賢良淑德溫柔細心美麗動人出塵脫俗精靈活潑.........

＊＊＊

虫虫私下跟日仔偷師 :P 果然利害! 不過好可惜 -.- 呢門技倆我點都學吾曉...如果吾係就真係所向無敵喇~
呵呵呵~

執媽

嗵...嗵嗵...一條又一條bb魚o係孔太個patpat到跌出黎呀! 生左成十條有多呀! 我第一次睇住d魚魚生出黎乍…實在太不可思議喇!
手忙腳亂咁等孔太嗵完一條後筆起孔太放好bb落bb缸下層, 再放返孔太去上層生, 嗵完一條又嗵一條, 有些更是嗵嗵連續兩條添! 其中有一條生出黎之後卷住左一粒咁, 我以為係胎死腹中啦, 用牙籖想拎起佢之際...一掂佢就彈返開成條魚咁樣游來游去喇! 好得意呀~~~ 我從來都未試過未見過未感覺過會係咁架! 呢個經驗好特別呢~~~
但...最後嗵出來的那一條都一樣係卷埋左, 但我幫吾到佢彈返開呀! 好似有些野黐住左咁...佢都好努力想轉開自己, 但最後都係失敗-_-

孔生真係勁, 孔太又好生養! 虫虫買佢地返來之後, 已經係第三胎喇!
第一胎, 我地執返三條...保得住兩條, 依家係大bb喇!
第二胎, 因為我地吾知孔太要生, 無隔開孔太, 所以全軍覆沒...比其他魚o也晒-__-! 其實我真係好吾鍾意大魚食細魚的"感覺"! 差勁!!!

嘻~ 吾講你吾知! 我同虫虫好多時都睇住孔生追住孔太來"拮"架! 係真係拎支野打側不停拮孔太過喎! 我以前諗都無諗過魚係咁"攪野"架! 生勾勾魚o既四仔…勁壯觀呀^0^

希望今次我親自接生的bb可以健健康康啦!

暢所欲言

我係一個比較鍾意諗野既人, 乜都可以諗得一餐! 成日都攪到自己失眠! 不過我又吾會無事無幹去諗喎...但一有個"頭"比我諗, 我就會諗到腳指尾為止! 所以熊貓眼同白頭髮死都跟住我羅>__<
虫虫係一個比較直畢甩o既人(包括身材), 乜都可以爆得一餐! 成日都攪到自己吾開心或者勞氣! 所以吾靚的皮膚死都跟住你羅-__-
虫虫~ 你其實只要凡遇到一些無傷大雅的人與事, 只要你對它不上心, 發生任何事都不會影響到你的! 你真的要好好學懂呢套封心法呀! 仲有就係吾好再覺得我吾撐你呀, 只係我在蜜瓜山時已練成左封心法、封耳法、封口法! 淨係未學懂封眼法, 所以有時都會睇吾過眼羅 ~.~

連續三日, 因為同一事件, 令我不其然咁喊了! 其實都吾知點解, 只係我太眼淺吧! 又或者我只是旁觀者, 所以可以看得真一點聽得清一點! 其次就係錯不在"妳", 妳真的不用道歉! 妳道歉只會令我們更加難過! 我地每個人都不想妳難做, 對住那群族屎眼生在頭的大仆街, 妳往後的日子要更自強啊!

在現場, 我有品(自己讚自己), 不會表露人前! 在自家谷, 雖然有人也不可暢所欲言, 但我舉著中指拿人都仲得!

大蠄蚷仆街一號~ 人地個女吾係比你鬧架! 你個大蠄蚷憑乜鬧人呀?! o係你屋企就可以鬧人o既咩?! 依家打你工呀? 用下個腦諗野啦你, 雖然我知你無...因為你個屎忽生左上頭!

白鴿眼仆街二號~ 學下乜叫禮貌啦! 大聲、串係無人會驚你架! 你隻眼生得太高喇...梗係睇吾到你同緊邊個講野定喇?! 找屎!
最低格就係出埋D o拿渣招, 走去你細佬到報串! 個無知細佬又無知到盡...叫人過黎話我地班姐妹做乜聚埋一齊吾去招呼客人! 下?! 坐下傾下計吾得呀? 你有無叫你班賭緊錢飲緊酒的兄弟去招呼客人呢請問? 此舉連我也火了.........

格衰白鴿眼仆街三號~ 有數之不盡的仆街位添! 同仆街二號一樣無禮貌到不堪! 簡直就係o係街見到都想中佢果隻! 不知所謂! 對女家人不禮貌不特止, 連對男家兄弟也一樣! 兄弟好人將飲吾晒的一箱箱紅酒搬落樓, 條仆街三號以為人地攞佢地d酒, 仲大大聲聲鬧人...指住人地話飲吾晒都吾係你搬走啦下麻! 個好兄弟有品咁話...係幫你地搬落車車返你地屋企架! 小那媽XY#@$! 係我就揼低箱酒叫條仆街自己搬喇! 以小人之心度君子之腹! 打你條仆街工就死喇...不能知所謂!

我知仲有更多是我看不見的! 不然我虫虫吾會失驚無神出去做完野返來我到呻完再喊再"絕食"! 可能虫虫或多或少會夾著一定的偏見! 但我絕對相信是有大仆街令虫虫受屈的!
我之所以講出來, 絕對吾係想去追究誰是誰非, 我只係說出真相洩洩火吧了!

C&K's 大囍日

同虫虫砌左吾知幾多個鐘再收埋左吾知幾多日既砌圖終於都送出喇!
嘻~ 連隻百厭Marie都走左出幅砌圖外...祝C&K幸福快樂! 做一對無(炒飯)範夫婦!
恭喜恭喜~~~

687

谷主腦閉塞中...

第三擊 - 元宵節

元宵節出蕉來個驚喜O20~

見你猶疑又咁忍悔! 我就繼續玩多陣啦! 講真...我有d失望.........

遲來的紅黑白~
老人癡呆都吾會甩喇掛以後 ^^

搵左好耐的"圓燒"buffet, 紅酒+虫虫令我醉醉地添^^
今晚我做乘客...虫虫做司機~

第二擊+激

年二九全攻擊同虫虫慶祝完農曆生日之後, 我發現虫虫鬼鬼怪怪咁有d秘密野收收埋埋攪緊呀... 哼!

可能耐無發功! 攪到有少少生添-.- 由年三十晚行完花市就開始作病...再加上新年一連幾日的大製作, 天昏地暗之後(激到虫虫出晒煙), 到虫虫日已經散散地喇我! 跟住之後就終於冧左喇! 連虫虫節都無力同虫虫去拍拖拖 >.< 就只得茶包......正!
幸好虫虫個心都好體諒我...只不過過後就怨聲四起咁啦 =.=
虫虫好有諗頭咁為我親手做左愛心史weet古古力, 同埋佢一早已經買左又比我吾覺意發現左, 不過我又扮傻乍吾知既禮物 ^0^
弊! 自己踢爆自己扮傻添 :p

近排虫虫個小宇宙突然開左, 成日都失驚無神就古古惑惑鬼咁屎weet! 而我就梗係虫一動我不動啦...激到虫虫扎扎跳! 嘻~ 下下比你估到就吾係寒古惑啦~~~

第一擊

嘩! 祖兒真係正到震~ 聲靚身材正跳舞又勁! 個演唱會氣氛又好! 入場送支閃閃星加噹噹棒同埋場外賣的螢光棍...令到個場靚到不得了! 仲要由頭唱到落尾無休息無嘉賓無冷場!
再加上有條虫虫坐係我隔離一齊唱, 真係無得頂~~ 我一向都好鍾意聽虫虫唱歌架, 想當年都係咁, 我先中左虫毒乍 =.=

虫虫~ 等住接招啦!

deedee震 vs 暖笠笠

我頂吾順喇~~~暖爐~~~你終於都要甦醒出動喇!
食完飯返到屋企, 真係凍到差d連涼都吾想沖=.= 最後都鼓起左最大既勇氣......除衫沖涼!
哈~ 我吾可以跟虫虫同流合污架!

無邊的思憶

等左兩個幾月, 終於都可以幫我對心肝寶貝整好間屋屋的靚仔靚女相喇! 安樂晒~
途中...十二萬個小心奕奕攬住佢地! 吾知係幻覺定係乜...我忽然感覺到佢地兩個真係在我懷中被我攬住! 尤其細Bee...感覺更是強烈...
久違了的感覺! 永存的記憶與愛!

＊＊＊

出席一年一度的歲晚飯局! 好耐都無咁盛裝過...有d吾慣添!
人~ 留在間
心~ 飛到虫處

產房Ⅱ

虫虫第二次手術! 跟第一次一樣...站在手術室門外等, 同樣等了兩個幾三個鐘! 但我的心情已沒有第一次那樣緊張了! 一來有了經驗, 二來這次只是執好d, 我相信是沒有問題的! 但竟換來虫虫的炸型=_= 好無辜呀我!!!
無疑...虫虫係要人極度竉愛的那種! 咁...你就要習慣下我的內斂喇 :p

給虫虫~ 永久保存

歌名：永久保存
歌手：陳柏宇

作曲／編曲：陳光榮
填詞：Fiona Fung
監製：陳光榮／金培達

彼此呼應 有什麼也很高興
就算苦都獲全勝
全靠有你的掌聲

＊已共你一年 記憶亦同樣新鮮
如像蓋著蓋掩 永久保存
從未間斷 在回味每種感覺加倍念記
嘴裡那份甜味 得你不捨不棄
我的眼中只有你 今世不靠運氣
只靠在患難亦撐我的你
推翻相戀變淡這個定理
(多麼感激以後能有著你)＊
無人像你 不可放棄

Repeat＊

幸福中跟你跳著舞 漫天星星一起細數
全部最好已經得到 你燃點我的旅途
沒法比 若可捉得緊你 我可以通通放棄

感覺加倍念記 嘴裡那份甜味
不會有著限期 我的眼中只有你
今世不靠運氣 只靠在患難亦撐我的你
推翻相戀變淡這個定理
無人像你 不可放棄

Anniversary

雖然無甚麼特別去慶祝但還是希望每年的今日都可與你Happy Anniversary!

越難越愛你...

重鎚出擊

事實證明我都係一個幾想做就做的人!
今日發癲...三分鐘內做左個重大決定!
不成功便成仁!!!

打氣、加油~~~

Believe

我發現原來虫虫著住羽絨大褸粒住頂帽都真係幾靚女喎! 吾知係係包到陷晒呢o氣:p

今晚同虫虫去左德福食豚肉烏冬, 個烏冬係我喜愛的那種, 煙煙韌韌的...再加上支S&B的麻辣油...正爆~
跟住去左IMAX睇POLAR EXPRESS, 嘩...好開心呀! 好似去左玩過山車咁...係會令到你心仔噗噗跳果隻添! 個畫面同畫功都好靚好細緻! 如果呢套戲係o係聖誕節那時睇就更有氣氛喇! 嘻...不過家下有得睇又有得玩仲有free parking...都的確係超值!
玩完過山車興奮過度...盪失路行左個大運! 跟住比虫虫昆左去食"石磨坊"! 好難食呀-.- 我都好耐未食過d咁難食o既糖水! 開粉漿的芝麻糊腰果露(枉佢叫石磨坊)同埋怪味芒果黑糯米菲林卷, 食到三份一已經吾想再放落口喇! 都真係好難想像今時今日都仲有一間咁吾掂當的糖水舖仲可以生存到!!!

虫虫今晚成晚都無摟過我計, 呢排仲自動自覺沖涼先交豬添! 抵錫~3~

頭炮

雖然只係賺少少! 不過已經係二零零八年的一個好開始了!

我家有條臭屁虫

不經不覺...已經開始左我地o既半同居生活!

一月五日

零晨時份"月虫食"導致虫虫變柴狼! 根據虫虫資料顯示, 係十年吾逢一潤喎! 好恐怖呀 ← 雪雪的語氣


立立少開始離家一星期去小籠包市! 一心諗住同你兩老食飽蛇蛇行完街街再食埋滿記...我就功成身退!
點知...臨走o既時候, 虫虫變身樹熊!!! 成個人凌空鉗住我的下半身...仲要雙眼突然紅晒咁話: "我吾想一個人訓呀"! 跟住兩行眼淚應聲而下-_-! 勁呀 *.* 睇見你咁...我又點忍心留低你呢?!
虫虫有時真係好可愛 ← 吾曳吾啷黎吾放臭屁果陣(所餘時間吾多:p)

＊＊＊

一月六日

置樂的燒賣、腸粉、碗仔翅、糯米雞、大可樂...Yummy~ 百吃不厭!

繼尋晚魔術回歸大海後, 魚樂無窮又有新成員加入~ 花、o靚~