虫事件簿

五月三十日

老闆農曆生日, 去黃金食buffet, 虫虫幫我夾左幾舊波蘿、西瓜同一粒幾紅潤的士啤梨撻, 我自己就揀左兩件cheese cake就返埋位食啦! 食完d生果就望一望粒士啤梨撻...撻內並不是我愛吃的吉士而係cream, 心想不如淨食粒士啤梨啦! 再望下粒士啤梨表面有d白糖粉同黑色一點點的核...o衣?! 有一點零舍"大點"喎! 手痕痕就搵隻叉鳥佢出來睇下啦! 就係咁一挑...虫虫呀...你睇下係係你同鄉嚟嘰? 好恐怖呀~
虫虫一睇...我頂...叫經理嚟啦!!!
第一條經理就道歉話賠送飲品比我地! 妖...你比支紅酒我我都飲吾落啦家下! 後尾又有第二條經理過黎道歉乜乜物物! 最後就少收一位當係賠罪! 扣除promotion的二送一吾用得, 其實佢計計埋埋都無乜蝕架! 錢...我地的而且確係比少左, 不過變相係credit card公司蝕羅! 呢個虫虫係埋單走後又心有不甘扎扎跳~
唉...算啦! 反正我都無食到條士啤梨虫! 食半粒先發現我就真係同佢死過喇!

繼火龍果、慕蓮後...士啤梨已列入"捉虫"黑名單內, 好在谷主一向對士啤梨都興趣不大啫 -__-

＊＊＊

後記: 谷主一向喜歡將想打的blog打左落手機先, 等得閒的時候再post上網...
其實係想講, 當我打了《虫事件簿》的同時...虫虫又在同一時間發放《蠢人事件簿》! 有咁得咁橋定係心通呢又?!