鬼混

今日中午失驚無神比人鬧我尋晚同邊個鬼鬼鼠鼠講電話鬼混...(一個想殺左我o既樣)
仲話要執包袱返外家添 =__=!!!

唉! 十萬個無奈又有口難言...
我都係想比個驚喜你啫！ 咁都要我硬食一野 (一個無辜樣)

時光倒流上一年

好耐無打菠蘿喇! 記得幾多得幾多啦 ~


十二月二三日

約左虫虫放工o係尖東等...一齊去買一份無乜心思得o黎有誠意的聖誕禮物!

我知你吾鍾意我同你一齊去買送比你的禮物...但我真係好吾想呢個GG好似上次個BB咁被打入冷宮! (唉...好可憐的BB在GG出現後入套為安添! 善哉善哉 =.=)

連自己都失手帶左個壓紋GG返屋企! 實在太抵太吸引喇~~

今晚去左尖東海鮮站食海鮮, o係人地d菠蘿講到好抵好正咁咪去試下羅! 兩個人等左九個字先有位...
叫左一隻加拿大蟹、大蝦鮮什果沙律、珍寶蠔、龍蝦伊麵加一杯白酒! 盛惠五百幾個大洋, 味道一般啦! 無想像般咁好...有少少名過於實啦~

返到深山有人忍吾住將佢鬼鬼祟祟同人扯貓尾偷運到手o既東西叫我拆開睇下! 呵~ 被迫地拆開...原來係“雞毛”一條! 雞毛可可以當令箭架? ^^ 就係咁...我地今年o既聖誕節提早左兩日:p

＊＊＊

十二月二四日

由正常變濱崎步再變紫紅需時六小時...坐到屎忽都痛埋!
後註：但那紫紅只維持了一星期都無! 那星.\/.下次咪再攪!

夜晚同《一家大細》去左小肥牛...滾完返到深山成四點幾先瞓!

＊＊＊

十二月二五日

晨早掙扎左成粒鐘先願起身, 如果吾係約左吳大雯去海豚公園, 我一定繼續同張床吸過你屎我撥!
雖然吳大雯帶病上陣, 我地又睡魔上身! 但我地都好開心咁由頭玩到落尾, 虫虫就更加興奮到滴晒水添(玩船仔由頭濕到落腳)! 勁呀+__+
落山後睇埋hea爆聲稱幾百棵聖誕樹森林同精彩絕倫o既冰上表演就打道回西環食尋晚想食又收左舖的Pizza, 飯後返左九樓同吳大雯收揖下佢D草=__= 再護送佢返歸我地就返深山昏迷zzzzz

＊＊＊

十二月二六日

今日去左買呢樣個樣, 準備明日虫虫的自家製蜜瓜山火鍋聯歡晚會!
除左買東買西搬上拎落之外...就係炒飯炒飯再炒飯!

＊＊＊

十二月二七日

瞓醒後食D野就落元朗買海鮮, 成車爆滿搬返西環再勞動火立幫手抬上樓...大Project到呢真係!

蜜瓜山上半場~
《一家大細》下半場~
盡慶!!!

哈! 我今日有特赦...任飲! 完場後我都係咁E幫下手清理現場, 可能虫虫見我都有D迷...就叫我洗白白交豬先! 而佢就自己攪到吾知幾多點先上床! 呵~ 我睇你下次仲敢敢?!

＊＊＊

十二月二八日

同新朋友仔食完個三合一下午茶就返上樓玩低b大富翁 (抽返來的聖誕禮物), 又玩下無英文自學Uno, 再hea下hea下之後就去左稻香...又滾過!
之後再過海會合火立去尖咀sugar但摸門釘...卒之落返松記食, 之後返深山!

＊＊＊

十二月二十九

今晚同自己友又係去滾, 可能呢排真係滾得盡過頭...晚黑開始吾舒服@_@

＊＊＊

十二月三一日

連續兩日不停發燒、嘔、啪藥、瞓!
虫虫見我連飲奶力都無...都一心諗住同我o係屋企數格仔倒數架喇!
到黃昏見好返少少, 事實上係吾想虫虫要數格仔咁慘慘! 於是就join埋已在附近BBQ緊的皮蛋媽等人開香檳同紅酒倒數啦! 飲左少少...返到屋企又嘔到PK @__@

＊＊＊

二零零九年一月二日

同虫虫、皮蛋媽、安格C、吳大雯去南丫島行大運! 有益身心~

今晚三個友去數碼港睇午夜場...《葉問》比想像中好睇喎又!

＊＊＊

一月三日

為了一包花生耿耿於懷! 侍可殺不可辱!! 哼~~~

＊＊＊

一月八日

零晨炒大飯! 我o既心插上第二刀! 你曾經話過吾會有第二次的.........

＊＊＊

一月十六日

虫虫臨放工o係公司洗手間吾見左我地隻介子!!!
兩條友無晒mood咁出席虫虫婆婆的壽宴! 之後返佢公司貼尋介啟示...希望盡最後努力去搵!

成晚都胡思亂想......是天意嗎?

第二朝收到電話, 失介已有下落...待領!
鬆一口氣!

＊＊＊

一月十七日

去食一年一度o既年夜飯, 抽吾到我想要的! 只抽到部DVD MINI SYSTEM...千六蚊...仲貴過我想要的!
不過我吾制呀! 依呀~~~

＊＊＊

一月二一日

是晚霸王山莊慶祝豆豉生日!

＊＊＊

一月二三日

是晚假座九樓食團年飯, 元朗盤菜加古古力火煱!

＊＊＊

一月二四日 兩週年sweet sweet 加虫虫lunar BD

虫虫一早安排左個甜蜜肥爆住宿自助餐!
食完個肥爆Buffet之後就行左陣旺角, 之後就o係酒店樓下戲院睇波兒, 本來諗住睇完戲可以行埋花市的, 但實在係太多人同埋太攰喇我地! 所以就索性返酒店休息操肥自己~

今日揹左虫虫送的背囊, 搵來搵去都搵吾啱一個合心水的, 家下有喇! 多謝您^3^

我都話我自己去買親o既禮物...你都吾啱心水架啦! 睇來今次都吾例外...灰 =.=

＊＊＊

一月二五日 年三十晚

Check out之後食過晏就返深山攞返架車再送虫虫返嫲嫲到做節!
我就去左圓方做三陪女郎...陪坐陪食陪飲! 攪左幾粒鐘...簡直係渡秒如年!!

＊＊＊

一月二六日至二八日

每年的年初一二三都應該係各自各精彩的! 但今年初三晚實在係太掛住虫虫喇, 所以急急拜完個年就諗住會合虫虫比個驚喜佢! 點知都係難逃赤口要炒個飯先見! 吹脹 =__=

＊＊＊

一月二九日

返西環拜年! 訂左位一行六人食飯, 最衰遠D果間未開爐! 哼~
討厭比人擺上台的感覺! 無野下麻佢地?! 我要扭計扭屎你.\/.
再係咁休想下次我會再出現...你收收到呀?!

＊＊＊

一月三一日

虫虫舊同事加吳大雯團拜BBQ~

多謝皮蛋媽送給雪雪的大量零食...好可借粒傻雪係大部份都吾識食^0^

＊＊＊

二月五日

食左個免費午餐@豚組...火燒吉列餐! 應該都無下次!

Lasik年檢! 都係0度數0散光! Good~

＊＊＊

二月九日元宵

為左就埋虫虫新曆同火立舊曆生日, 舵主揀左今晚食buffet一齊慶祝!
密密實實的禮物希望你鍾意啦!
今晚掛住嘻嘻哈哈, 好似都無乜點食過野添! 飯後要返去整多個元宵湯丸先滿足返D乍!

後註: 哼!! 有D野係吾可以同任何人分享架你知知呀?!

＊＊＊

二月十一日 BIG BIG DAY

虫虫今年無欲無求邊到都話吾去! (可能已經太多肉喇:p)
我一早起左身整好晒野再出埋街搵埋種芓再落埋盤, 條懶虫都未願起身!
成三點先去左美心飲茶食虫虫至愛的灌湯餃(我知我只係一粒雲吞:p 吾係你的至愛)

我口多多你又手快快咁毀滅左我地一心安排o既二人世界! 我吾制呀>.<
不過後悔已經黎吾切喇! 飲完茶行街街...虫虫都係無慾無求! 就起行入東涌去食本來撐枱腳...但變左開枱都有突腳o既增肥餐喇! 入到東涌未夠鐘但都係無欲無求喎! 吾通虫虫真係大個左?! 等我慢慢研究下邊忽大左先:p
增肥完以為可以二人世界啦...點知都係吾得!!!

後註: 又發現被瓜分!!! 激死我喇! 哼~

＊＊＊

二月十四日

零晨時份虫虫整左古古力蛋糕比我同雪雪! 個傻雪望到眼甘甘流晒口水, 不過都係無得食! 貓貓係吾食得古古力架! 而我就連吔左三大粒...外脆內軟真係好好味呀^^
今晚終於可以二人世界喇~

瞓醒就同皮蛋媽地BBQ, 有安格C 準備的大蝦、龍蝦同乳鴿燒! 真係豐富到呢~
我地仲飲左兩支紅酒添呀...幾滿足呀我^^
飲飽食醉之後, 由於風頭火勢吾想吹波波, 就由虫虫揸車落元朗食甜品, 虫虫手車真係好安全架! 法定時速七十...我地行五十乍! 真係快到呢~~

平平淡淡的情人節加上留有燒烤味的尼C虫虫...已心滿意足喇^3^

＊＊＊

二月十五日

今晚返西環食飯, 試西環碼頭...又係無下次! 吾抵之餘仲渣到震~~
叫左六個餸出色到係無一樣好食! Too BAD!